ഇസ്ലാമബാദ്: ഇന്ത്യ-യുഎഇ അടുപ്പം കണ്ട് അസൂയ പൂണ്ട പാകിസ്ഥാന്റെ സെനറ്റര് യുഎഇയെ ഭയപ്പെടുത്താന് പറഞ്ഞ വര്ഗ്ഗീയത എന്താണെന്നോ? ഇന്ത്യ യുഎഇയെ അഖണ്ഡഭാരതത്തിന്റെ ഭാഗമാക്കുമെന്നായിരുന്നു പാകിസ്ഥാന് സെനറ്റര് മുഷാഹിദ് ഹുസൈന് പറഞ്ഞത്.
പാകിസ്ഥാനുമായുള്ള ബിസിനസ് കുറച്ച് യുഎഇ ഇന്ത്യയുമായുള്ള ബിസിനസ് വര്ധിപ്പിച്ചുകൊണ്ട് ഇരിക്കുകയാണ്. ഇന്ത്യയുമായി യുഎഇ സ്വതന്ത്രവ്യാപാരക്കരാര് ഒപ്പുവെച്ചു. അതിന് ശേഷം ആയിരക്കണക്കിന് കോടി രൂപയുടെ നിക്ഷേപമാണ് ഇന്ത്യയില് ഇറക്കുന്നത്. പാകിസ്ഥാനുമായുള്ള കച്ചവടമെല്ലാം നഷ്ടത്തില് കലാശിച്ചതോടെയാണ് യുഎഇ പിന്വലിഞ്ഞത്. അതിനപ്പുറം പാകിസ്ഥാന് യുഎഇയുടെ ശത്രുവായ സൗദി അറേബ്യയുമായുള്ള ബന്ധം ശക്തമാക്കിയതും യുഎഇയെ ചൊടിപ്പിച്ചിരിക്കുകയാണ്. അതുകൊണ്ടാണ് പണ്ട് പാകിസ്ഥാന് ധനസഹായമായി നല്കിയ 340 കോടി ഡോളര് യുഎഇ തിരിച്ച് ആവശ്യപ്പെട്ടത്. ഇതിന് പകരം സൗദി പാകിസ്ഥാന് പുതിയതായി 500 കോടി ഡോളര് ധനസഹായം അനുവദിച്ചു. ഈ തുക ഉപയോഗിച്ച് പാകിസ്ഥാന് യുഎഇയുടെ കടം വീട്ടുകയും ചെയ്തു.
ഇന്ത്യയുമായി എല്ലാ രീതിയിലും അടുക്കുന്ന യുഎഇയോട് പാകിസ്ഥാന്റെ ശത്രുത നാള്ക്കുനാള് വര്ധിക്കുകയാണ്. ഇതിന്റെ അടിസ്ഥാനത്തിലാണ് യുഎഇയെയും ഇന്ത്യയെയും തെറ്റിക്കാന് ഈയിടെ പാകിസ്ഥാന് സെനറ്റര് മുഷാഹിദ് ഹുസൈന് ഞെട്ടിക്കുന്ന പ്രസ്താവനയുമായി വന്നത്. “യുഎഇയില് ഇപ്പോള് 45 ലക്ഷത്തോളം ഇന്ത്യക്കാര് ജീവിക്കുന്നുണ്ട്. ഇനി എപ്പോഴാണ് യുഎഇയെ ഇന്ത്യ അഖണ്ഡഭാരത്തിന്റെ ഭാഗമാക്കുക എന്ന് നോക്കിക്കോളൂ “- യുഎഇയെ ഭയപ്പെടുത്താനാണ് വര്ഗ്ഗീയത നിറഞ്ഞ ഈ പ്രസ്താവന പാകിസ്ഥാന് സെനറ്റര് മുഷാഹിദ് ഹുസൈന് നടത്തിയത്.
