കൊച്ചി : ഗ്രേറ്റ് നിക്കോബാർ ദ്വീപിന് വേണ്ടി രാഹുൽ മുറവിളി കൂട്ടുന്നത് ആർക്ക് വേണ്ടിയാണെന്ന് ജനങ്ങൾക്ക് വ്യക്തമായി അറിയാമെന്ന് ഡോ സെൻ കുമാർ . സ്വന്തം രാഷ്ട്രത്തോടല്ല , മറ്റ് ചില രാഷ്ട്രങ്ങളോടാണ് രാഹുലിന് പ്രതിബദ്ധതയെന്ന് വ്യക്തമാണെന്നും അദ്ദേഹം പറയുന്നു.
ഗ്രേറ്റ് നിക്കോബാർ സ്ഥിതി ചെയ്യുന്നത് സ്റ്റേറ്റ് ഓഫ് മലാക്കയുടെ സമീപത്താണ് . ചൈനയ്ക്കടക്കം ഇത് നിർണ്ണായകമാണ് . ഇന്ത്യ ഒന്ന് വിചാരിച്ചാൽ ചൈനയുടെ സാമ്പത്തിക സ്ഥിതി പോലും മോശമാകും. അവിടെ വികസനം വരുന്നതോടെ ലോകത്തിലെ ഏറ്റവും വലിയ കപ്പലുകൾ പോലും അടക്കും . ഇന്ത്യയുടെ പോർട്ട് വഴിയുള്ള വ്യാപാരങ്ങൾ കുതിച്ചുയരും. അതുകൂടാതെ അവിടെ റഫാൽ അടക്കം വിന്യസിച്ച് പ്രതിരോധതാവളമാക്കി മാറ്റാനും കഴിയും.
ബംഗാൾ ഇലക്ഷൻ പോലും മാറ്റി വച്ച് രാഹുൽ അവിടെ പോയതിന്റെ ഉദേശ്യം എന്താണ് . ചൈനയുമായി ഒപ്പിട്ട കരാറിന്റെ ഭാഗമാണോയെന്നും സംശയിക്കണം . അവിടെയുള്ള ഗോത്രവർഗങ്ങൾ വരെ സമ്മതിച്ച വികസനമാണ് കേന്ദ്രസർക്കാർ നടത്താൻ ഒരുങ്ങുന്നത് .
ഇവിടെ നമ്മുടെ പ്രതിരോധസംവിധാനങ്ങൾ ശക്തമായാൽ ചൈനയുടെ അടിത്തറയിളകും. എല്ലാ പ്രതിരോധനടപടികളും ചൈനയ്ക്ക് പിൻ വലിക്കേണ്ടി വരും. അതുകൊണ്ടാകണം രാഹുൽ നിക്കോബാർ ദ്വീപിലെത്തി വ്യാജപ്രചാരണം നടത്തുന്നത് . കാരണം ഇന്ത്യയെക്കാൾ ഏറെ അദ്ദേഹം സഹായിക്കുന്നത് ചൈനയെയാണ് . ഇന്ത്യ നേരത്തേ ചെയ്യേണ്ടിയിരുന്ന കാര്യമാണിതെന്നും സെൻ കുമാർ പറയുന്നു.
