കൊച്ചി : മുസ്ലിം സമൂഹത്തിനെതിരെ പരാമർശം നടത്തിയെന്ന പേരിൽ ഹിന്ദു ഐക്യവേദി സംസ്ഥാന അധ്യക്ഷൻ ആർവി ബാബുവിനെതിരെ കേസെടുത്ത സംഭവത്തിൽ പ്രതികരിച്ച് ഡോ. ടി പി സെൻ കുമാർ.
പ്രധാനമന്ത്രിയെ പറഞ്ഞാൽ പോലും കേസെടുക്കാത്ത പൊലീസാണ് ഇപ്പോൾ ആർ വി ബാബുവിനെതിരെ കേസ് രജിസ്റ്റർ ചെയ്തിരിക്കുന്നതെന്ന് സെൻ കുമാർ പറഞ്ഞു. . കഴിഞ്ഞ കുറച്ച് നാളുകൾക്ക് മുൻപ് താൻ ജനസംഖ്യാ കണക്കുകളെ പറ്റി ഗവണ്മെന്റിന്റെ കണക്കുകൾ ചൂണ്ടിക്കാട്ടി പറഞ്ഞ പ്രസ്താവനയുടെ പേരിൽ പൊലീസ് കേസ് രജിസ്റ്റർ ചെയ്തിരുന്നു. എന്നാൽ കോടതിയിൽ അത് എത്തിയപ്പോൾ തെളിവില്ലെന്ന് പറഞ്ഞ് കേസ് പിൻ വലിക്കുകയാണ് പൊലീസ് ചെയ്തത്.
പ്രധാനമന്ത്രിയെയും, മറ്റ് പല നേതാക്കളെയും വ്യക്തിഹത്യ ചെയ്യുന്ന സമയങ്ങളിൽ അതിലൊന്നും പൊലീസ് കേസെടുക്കുന്നില്ല. അതുകൊണ്ട് സത്യം പുറത്ത് കൊണ്ടുവരണം . അതിന് ആർ വി ബാബുവിന് എല്ലാവരും പിന്തുണ നൽകണമെന്നും സെൻ കുമാർ പറഞ്ഞു.
