തിരുവനന്തപുരം : സോനം വാങ് ചുക്കിന് പിന്നിലുള്ളവരെ കണ്ടെത്തണമെന്ന് ഡോ ടി പി സെൻ കുമാർ . കാർഷിക സമരവും മറ്റും അവസാനിച്ചത് പോലെ പാറ്റാ പാർട്ടി സമരത്തെ കാണരുതെന്നും അദ്ദേഹം ഫേസ്ബുക്കിൽ പങ്ക് വച്ച വീഡിയോയിൽ പറഞ്ഞു.
‘ ചൈന ആക്രമിക്കാനെത്തിയാൽ ഇന്ത്യയിലേയ്ക്കുള്ള വഴി കാണിച്ച് കൊടുക്കുമെന്ന് പറഞ്ഞയാളാണ് സോനം വാങ്ചുക്ക് . പാകിസ്ഥാനിൽ നടക്കുന്ന ഇന്ത്യാ വിരുദ്ധ സമ്മേളനങ്ങളിൽ കൃത്യമായി പങ്കെടുക്കുന്നയാളുമാണ് സോനം വാങ്ചുക് . കേരളത്തിലെ ചില താരങ്ങളും ഡൽഹിയിൽ കഥയറിയാതെ ആട്ടം കാണുന്നുണ്ട്. ഇവർക്കൊന്നും പഹൽഗാമും, ഉസ്ബക്കിസ്ഥാനിൽ ഒരു പെൺകുട്ടി ക്രൂരമായി കൊല്ലപ്പെട്ടതൊന്നും പ്രശ്നമല്ല . അതുകൊണ്ട് കാര്യങ്ങൾ വ്യക്തമാണ് .
സ്ഥിരമായുണ്ടാകുന്ന വിദേശഫണ്ടിംഗോടെ കൃത്യമായി അജണ്ട നടപ്പാക്കുകയാണ് . ഇതിനെ സാധാരണ രീതിയിൽ അല്ല കർശനമായ നിലപാടെടുത്ത് തന്നെ നേരിടണമെന്നും ‘ ടി പി സെൻ കുമാർ പറഞ്ഞു.
