തൃശൂര് :മുണ്ടത്തിക്കോട് വെടിക്കെട്ട് പുര അപകടം നടന്നിടത്ത് സര്ക്കാര് നിയോഗിച്ച ജൂഡീഷ്യല് കമ്മീഷന് സിഎന് രാമചന്ദ്രന് നായര് പരിശോധന നടത്തി.വെടിക്കെട്ട് പുരയായി ഉണ്ടായിരുന്നത് മൂന്ന് കുടിലുകളാണെന്ന് വിലയിരുത്തിയ കമ്മീഷന് അപകടകരമാം വിധത്തിലായിരുന്നു നിര്മ്മാണമെന്ന് പറഞ്ഞു.
പ്രതിരോധ സംവിധാനങ്ങള് ഉണ്ടായിരുന്നില്ല. വെള്ളം ഉപയോഗിച്ച് തീ കെടുത്താനുളള സംവിധാനങ്ങളും ഉണ്ടായിരുന്നില്ലെന്നും ചൂണ്ടിക്കാട്ടി.
വെടിക്കെട്ട് പുരയില് 43 പേര് ഉണ്ടായിരുന്നു എന്നാണ് കളക്ടര് പറയുന്നതെന്നും 27 പേര് രക്ഷപ്പെട്ടിട്ടുണ്ടെന്നും കമ്മീഷന് ചൂണ്ടിക്കാട്ടി. രണ്ടു പേരാണ് ആശുപത്രിയില് കഴിയുന്നത്. രക്ഷപ്പെട്ടവരുടെ മൊഴി രേഖപ്പെടുത്തും.പരിഗണന വിഷയങ്ങള് തീരുമാനിച്ചശേഷം തുടര്നടപടി ഉണ്ടാകുമെന്നും കമ്മീഷന് പറഞ്ഞു.
വെടിക്കെട്ട് അപകടരഹിതമായി നടത്താനാണ് ആലോചിക്കുന്നതെന്ന് കമ്മീഷന് വ്യക്തമാക്കി. ലോകത്തിലെ എല്ലാ ആഘോഷങ്ങളുടെയും ഭാഗമാണ് വെടിക്കെട്ട്. ദേവസ്വങ്ങളുടെ അഭിപ്രായം കേള്ക്കും. വലിയൊരു തൊഴില് മേഖലയാണ് കരിമരുന്ന് നിര്മ്മാണം. അത് പൂര്ണമായി ഉപേക്ഷിക്കാന് കഴിയില്ല എന്ന് സിഎന് രാമചന്ദ്രന് നായര് പറഞ്ഞു.
ആറ് മാസത്തിനകം റിപ്പോര്ട്ട് നല്കാന് കഴിയും എന്നാണ് പ്രതീക്ഷിക്കുന്നതെന്ന് സിഎന് രാമചന്ദ്രന് നായര് പറഞ്ഞു.സ്പാര്ക് ഉണ്ടായതായി ആരോ പൊലീസിന് മൊഴി കൊടുത്തിട്ടുണ്ട്. അത് പരിശോധിക്കും .
