23-ാം ലോകകപ്പ് വിരുന്നെത്തുന്ന അമേരിക്കയിലെ നാല് വേദികളെ കുറിച്ചാണ് ഇന്നത്തെ 16 കളങ്ങളിലുള്ളത്. വാഷിങ്ടണിലെ സീട്ടില് നഗരത്തിലുള്ള ലുമെന് ഫീല്ഡ് സ്റ്റേഡിയത്തില് നാല് ഗ്രൂപ്പ് ഘട്ട മത്സരങ്ങളും നോക്കൗട്ട് ഘട്ടങ്ങളിലെ രണ്ട് മത്സരവുമാണ് ഇവിടെ നടക്കുക. കഴിഞ്ഞ വര്ഷത്തെ ക്ലബ്ബ് ലോകകപ്പിലെ മത്സരങ്ങള് ഇവിടെ നടന്നിട്ടുണ്ട്. കൂടാതെ 2031 വനിതാ ലോകകപ്പിന് ആതിഥ്യമരുളുന്ന അമേരിക്കയിലെ 14 വേദികളില് ഒന്ന് കൂടിയാണ് ലുമെന് സ്റ്റേഡിയം.
ഫിലാഡെല്ഫിയ നഗരം ഒരുക്കിയിട്ടുള്ള ലോകകപ്പ് വേദിയാണ് ലിങ്കന് ഫിനാന്ഷ്യല് ഫീല്ഡ്. 68,000 പേരെ വരെ ഉള്ക്കൊള്ളാന് ശേഷിയുള്ള സ്റ്റേഡിയം നിര്മാണം പൂര്ത്തിയാക്കിയത് 2003ലാണ് അക്കൊല്ലം വനിതാ ലോകകപ്പിന് വേദിയായി. രണ്ട് മത്സരങ്ങളാണ് നടന്നത്. കഴിഞ്ഞ വര്ഷത്തെ ക്ലബ്ബ് ലോകകപ്പില് ക്വാര്ട്ടര് ഫൈനലും പ്രീക്വാര്ട്ടറും അടക്കം എട്ട് മത്സരങ്ങളാണ് ഈ വേദിയില് നടന്നത്.
കാലിഫോര്ണിയയിലെ സാന്റ ക്ലാരയിലെ ലെവിസ് സ്റ്റേഡിയത്തില് ഒരു നോക്കൗട്ട് മത്സരം ഉള്പ്പെടെ ലോകകപ്പിലെ ആറ് കളികള് നടക്കും. 2024 കോപ്പ അമേരിക്കയിലെ വിവിധ ഗ്രൂപ്പ് മത്സരങ്ങള് ഇവിടെ അരങ്ങേറിയിരുന്നു. കഴിഞ്ഞ വര്ഷം കോന്കകാഫ് ഗോള്ഡ് കപ്പ് സെമിയില് മെക്സിക്കോയും ഹോണ്ടുറാസും ഏറ്റുമുട്ടിയതും ഇതേ സ്റ്റേഡിയത്തിലാണ്.
ലുമെന് ഫീല്ഡിലെ മത്സരങ്ങള്
ജൂണ് 15: ബെല്ജിയം-ഈജിപ്ത്(ഗ്രൂപ്പ് ജി)
ജൂണ് 19: അമേരിക്ക-ഓസ്ട്രേലിയ(ഗ്രൂപ്പ് ഡി)
ജൂണ് 24: ബോസ്നിയ-ഖത്തര്(ഗ്രൂപ്പ് ബി)
ജൂണ് 26: ഈജിപ്ത്-ഇറാന്(ഗ്രൂപ്പ് ജി)
ജൂലൈ 1: റൗണ്ട് ഓഫ് 32
ജൂലൈ 6: പ്രീക്വാര്ട്ടര്
ലിങ്കന് ഫീല്ഡിലെ മത്സരങ്ങള്
ജൂണ് 14: ഐവറി കോസ്റ്റ്-ഇക്വഡോര്(ഗ്രൂപ്പ് ഇ)
ജൂണ് 19: ബ്രസീല്-ഹെയ്തി(ഗ്രൂപ്പ് സി)
ജൂണ് 22: ഫ്രാന്സ്-ഇറാഖ്(ഗ്രൂപ്പ് ഐ)
ജൂണ് 25: കുറസാവോ-ഐവറികോസ്റ്റ്(ഗ്രൂപ്പ് ഇ)
ജൂണ് 27: ക്രൊയേഷ്യ-ഘാന(ഗ്രൂപ്പ് എല്)
ജൂലൈ 4: പ്രീക്വാര്ട്ടര്
ലെവിസിലെ മത്സരങ്ങള്
ജൂണ് 13: ഖത്തര്-സ്വിറ്റ്സര്ലന്ഡ്(ഗ്രൂപ്പ് ബി)
ജൂണ് 16: ഓസ്ട്രിയ-ജോര്ദാന്(ഗ്രൂപ്പ് ജെ)
ജൂണ് 19: തുര്ക്കി-പാരഗ്വേ(ഗ്രൂപ്പ് ഡി)
ജൂണ് 22: ജോര്ദാന്-അള്ജീരിയ(ഗ്രൂപ്പ് ജെ)
ജൂണ് 25: പാരഗ്വേ-ഓസ്ട്രേലിയ(ഗ്രൂപ്പ് ഡി)
ജൂലൈ 1: റൗണ്ട് ഓഫ് 32
