പത്തനംതിട്ട: കോന്നിയില് വയോധികന് സൂര്യാതപമേറ്റു.. കോന്നി മങ്ങാരം പുത്തന്വീട്ടില് മുരളി മോഹന് (64) ആണ് സൂര്യാതപമേറ്റത്.
കോന്നി ചന്തയ്ക്ക് സമീപം വച്ചാണ് സൂര്യാതപമേറ്റത്.. മുഖം, കഴുത്ത്, കൈകള് എന്നിവിടങ്ങളിലാണ് പൊള്ളലേറ്റത്. ഇലക്ട്രോണിക്സ് കടയിലെ ടെക്നീഷ്യനാണ് മുരളി. ഹോട്ടലിലേക്ക് നടന്നു പോകവെ ആണ് സൂര്യാഘാതമേറ്റത്.
സംസ്ഥാനത്ത് ചൂട് കൂടുകയാണ്. ലോക്ഡൗണിന് സമാനമായ ജാഗ്രത പകല് സമയങ്ങളില് പാലിക്കണമെന്നാണ് നിര്ദേശം.പകല് 11 മുതല് ഉച്ചയ്ക്ക് ശേഷം മൂന്ന് വരെയുള്ള സമയങ്ങളില് നേരിട്ട് വെയില് ഏല്ക്കാതിരിക്കാന് പൊതുജനങ്ങള് പ്രത്യേകം ശ്രദ്ധിക്കണമെന്ന് ആരോഗ്യവകുപ്പ് മുന്നറിയിപ്പ് നല്കിയിട്ടുണ്ട്.
