കൊല്ക്കത്ത: യുപിഎ ഭരണ കാലത്ത് ബംഗാള് മുഖ്യമന്ത്രി മമതാ ബാനര്ജിയും കോണ്ഗ്രസും ചേര്ന്ന് ഭീകരര്ക്ക് ബിരിയാണി നല്കുന്ന സമീപനമാണ് സ്വീകരിച്ചിരുന്നതെന്ന് കേന്ദ്ര ആഭ്യന്തര മന്ത്രി അമിത് ഷാ. നാദിയയില് നടന്ന തെരഞ്ഞെടുപ്പ് റാലിയെ അഭിസംബോധന ചെയ്യുകയായിരുന്നു അദ്ദേഹം.
2014 ല് നരേന്ദ്ര മോദി പ്രധാനമന്ത്രകിയായതിന് ശേഷം ഭാരതം ഭീകരര്ക്കെതിരെ സര്ജിക്കല് സ്ട്രൈക്ക്, വ്യോമാക്രമണങ്ങള് പോലുള്ള നടപടികളിലൂടെ നിര്ണായക മറുപടി നല്കി. ഇതോടെ രാജ്യത്തെ ഭീകരവാദത്തില് നിന്ന് മോചിപ്പിക്കാന് സാധിച്ചു.
എസ്ഐആറിനൊപ്പം നുഴഞ്ഞുകയറ്റക്കാരുടെ പേരുകള് എന്തിനാണ് നീക്കം ചെയ്യുന്നതെന്നാണ് മമത ബാനര്ജി ചോദിക്കുന്നത്. അവരെ സംരക്ഷിക്കുന്നതിനായാണ് അവര് ഇതിനെ എതിര്ക്കുന്നത്. നുഴഞ്ഞുകയറ്റക്കാരുടെ വോട്ടുകളാണ് ഇതിലൂടെ മമത ലക്ഷ്യം വയ്ക്കുന്നത്. ഇത് ഒരിക്കലും അംഗീകരിക്കാന് കഴിയില്ല, അദ്ദേഹം പറഞ്ഞു.
