തിരുവനന്തപുരം: തിരുവനന്തപുരത്ത് ബിജെപി വനിതാ കൗണ്‍സിലര്‍മാര്‍ നടത്തിയ പ്രതിഷേധമാര്‍ച്ചില്‍ നൗഫല്‍ എന്ന പൊലീസുകാരന്‍ ഒരു വനിതാ ബിജെപി പ്രവര്‍ത്തകയുടെ കയ്യില്‍ കടിച്ചെന്ന് മേയര്‍ വി.വി. രാജേഷ് കഴിഞ്ഞ ദിവസം ആരോപിച്ചിരുന്നു. ആഴത്തിലുള്ള കടി കൊണ്ട് നീലിച്ച കൈയുമായി ആ വനിത പ്രവര്‍ത്തക വേദന തിന്നു ജീവിക്കുകയാണ്.
കഴിഞ്ഞ ദിവസം വാര്‍ത്താസമ്മേളനത്തിലാണ് വി.വി. രാജേഷ് ഈ ആരോപണം ഉയര്‍ത്തിയത്. അതിനിടെയാണ് പൊലീസ് ഞങ്ങള്‍ക്ക് പുല്ലാണ് എന്ന മുദ്രാവാക്യംവിളിച്ചതിന്റെ പേരില്‍ മുന്‍ ഡിജിപിയും വട്ടിയൂര്ക്കാവ് കൗണ്‍സിലറുമായി ആര്‍. ശ്രീലേഖയ്‌ക്കെതിരെ കേസെടുത്തിരിക്കുന്നത്. ഇതോടെ നെട്ടയം പ്രതിഷേധത്തെ തുടര്‍ന്ന് ബിജെപിയും പൊലീസും തമ്മിലുള്ള സംഘര്‍ഷം രൂക്ഷമാവുകയാണ്.
വട്ടിയൂര്ക്കാവ് സിഐ വിപിന്‍ തുടര്‍ച്ചയായി ബിജെപി പ്രവര്‍ത്തകര്‍ക്കെതിരെ ആക്രമണം നടത്തുകയാണെന്ന് വി.വി. രാജേഷ് ആരോപിച്ചു. പ്രതിഷേധത്തിനിടെ പൊലീസ് മലിനജലം ഉപയോഗിച്ചാണ് പൊലീസ് വനിതാ ബിജെപി കൗണ്‍സിലര്‍മാര്‍ക്കും പ്രവര്‍ത്തകര്‍ക്കും നേരെ ജലപീരങ്കി പ്രയോഗിച്ചതെന്നും മേയര്‍ രാജേഷ് ആരോപിച്ചിരുന്നു. .
വനിതാ പ്രവര്‍ത്തകരെ നേരിട്ടത് പുരുഷ പൊലീസാണ്. വനിത പ്രവര്‍ത്തകയെ കയ്യില്‍ കടിച്ച നൗഫല്‍ എന്ന പൊലീസുകാരനും വനിതാ പ്രവര്‍ത്തകരെ തല്ലിച്ചതച്ച രാജേഷ് എന്ന പൊലീസുകാരനും എതിരെ കര്‍ശന നടപടി സ്വീകരിക്കണം- രാജേഷ് ആവശ്യപ്പെട്ടിരുന്നു.
