ന്യൂദല്ഹി: റഷ്യക്ക് വേണ്ടി ഉക്രൈന് യുദ്ധത്തില് പങ്കെടുത്ത 10 ഭാരതീയര് സംഘര്ഷത്തില് കൊല്ലപ്പെട്ടുവെന്ന് കേന്ദ്രം സുപ്രീംകോടതിയെ അറിയിച്ചു. ഇവരില് മിക്കവരും സ്വമേധയാ യുദ്ധത്തിന് പോയതാണെന്നും കേന്ദ്രം വ്യക്തമാക്കി.
രാജ്യത്തു നിന്ന് റഷ്യക്ക് പോയി കാണാതായ 26 പേരുടെ ബന്ധുക്കള് നല്കിയ ഹര്ജി ചീഫ് ജസ്റ്റിസ് സൂര്യകാന്ത്, ജസ്റ്റിസ് ജോയ് മല്ല്യ ബാഗ്ചി, ജസ്റ്റിസ് വിപുല് പഞ്ചോളി എന്നിവര് പരിഗണിക്കുമ്പോഴായിരുന്നു കേന്ദ്രത്തിന്റെ ഈ മറുപടി. (ജോലി ലഭിച്ച് റഷ്യക്ക് പോയവരാണ് ഇവര്. റഷ്യന് കൂലിപ്പട്ടാളത്തിലാണ് ഇവര്ക്ക് ജോലി ലഭിച്ചതെന്ന് മുന്പ് വാര്ത്ത പുറത്തുവന്നിരുന്നു. ഗത്യന്തരമില്ലതെ യുദ്ധത്തിന് പോയ 26 പേരില് പത്ത് പേര് മരിച്ചു. മറ്റുള്ളവരെപ്പറ്റി വിവരം ഒന്നുമില്ല.)
കാണാതായവരുടെ കുടുംബങ്ങളുമായി നിരന്തരം ബന്ധപ്പെടുന്നുണ്ട്. പ്രശ്നം പരിഹരിക്കാന് ശ്രമിക്കുന്നുണ്ട്. 215 പേരാണ് റഷ്യക്ക് പോയത്. അവരില് 26 പേരുടെ ബന്ധുക്കളാണ് ഹര്ജി നല്കിയത്, കേന്ദ്രം വ്യക്തമാക്കി.
