കണ്ണൂര് : സിപിഎം വേട്ടയാടല് തുടരുന്നെന്ന് പയ്യന്നൂര് നഗരസഭയില് സിപിഎം വിമതനായി ജയിച്ച സി. വൈശാഖ്.അംഗനവാടി ജീവനക്കാരിയായ അമ്മയെ സ്ഥലം മാറ്റാന് ശ്രമിക്കുന്നുവെന്ന് വൈശാഖ് പറഞ്ഞു.
അമ്മയ്ക്കെതിരെ അഞ്ച് പരാതികള് നല്കിയിട്ടുണ്ട്.താന് തിരഞ്ഞെടുപ്പില് മത്സരിച്ച ശേഷമാണ് ഈ സമീപനം. അംഗനവാടിയിലെ കുട്ടികളുടെ രക്ഷിതാക്കള് ആണ് തന്നെ വിളിച്ച് സൂക്ഷിക്കണം എന്ന് അറിയിച്ചതെന്നും വൈശാഖ് വെളിപ്പെടുത്തി.
അമ്മയ്ക്കെതിരെ തുടരെ പരാതി നല്കുകയാണ്. അംഗനവാടിയിലെ കുട്ടികള്ക്ക് ഒരു ക്ലബ് ബിരിയാണി നല്കിയതിന് പരാതി നല്കി.നമ്പൂതിരി കുട്ടിക്ക് ബിരിയാണി നിര്ബന്ധിച്ചു നല്കി എന്നൊക്കെയാണ് പരാതിയില് പറയുന്നത്.എന്നാല് അംഗനവാടിയില് നമ്പൂതിരി കുട്ടി ഇല്ല. എട്ട് വര്ഷമായി കാര അംഗനവാടിയിലെ ടീച്ചര് ആണ് അമ്മ. അന്നൊന്നും ഇത്തരം പരാതികള് ഉണ്ടായിരുന്നില്ല.
അമ്മ ഇപ്പോഴും ഇടത് അനുകൂല യൂണിയന്റെ ഭാഗമാണ് . തന്നെ വേട്ടയാടിക്കോട്ടെ, കുടുംബത്തെ വേട്ടയാടുന്നതില് നിന്ന് ഒഴിവാക്കണം. തന്നെ തളര്ത്താന് ഉള്ള ശ്രമം വിജയിക്കില്ലെന്നും വൈശാഖ് പറഞ്ഞു.
