കോട്ടയം: ഏഷ്യന് ബീച്ച് ഗെയിംസ്: ത്രീ ഇന്റു ത്രീ ബാസ്കറ്റ്ബോളില് ഇന്ത്യയെ പ്രതിനിധീകരിക്കാന് മലയാളി താരം പ്രണവ് പ്രിന്സ്. ചൈനയിലെ സന്യയില് നടക്കുന്ന ആറാമത് ഏഷ്യന് ബീച്ച് ഗെയിംസിനുള്ള ഇന്ത്യന് പുരുഷ 3ഃ3 ബാസ്കറ്റ്ബോള് ടീമില് മലയാളി താരം പ്രണവ് പ്രിന്സ് ഇടംപിടിച്ചു. നിലവില് ചെന്നൈ ഇന്ത്യന് ബാങ്ക് ഉദ്യോഗസ്ഥനായ പ്രണവ്, ഈ ടൂര്ണമെന്റില് ഇന്ത്യയെ പ്രതിനിധീകരിക്കുന്ന ഏക മലയാളി താരം കൂടിയാണ്.
ദക്ഷിണ ചൈനയിലെ ഹൈനാന് ദ്വീപിന്റെ തെക്കേ അറ്റത്തുള്ള തീരദേശ നഗരമായ സന്യയിലെ ജിയാങ് വെന്യൂ ക്ലസ്റ്ററിലാണ് മത്സരങ്ങള് നടക്കുന്നത്.
പ്രണവിനെ കൂടാതെ കുശാല് സിംഗ്, അരവിന്ദ് മുത്തുകൃഷ്ണന്, ഹര്ഷ് ദാഗര് എന്നിവരാണ് ടീമിലെ മറ്റ് അംഗങ്ങള്.
മത്സര ക്രമവും ഗ്രൂപ്പും
ഗ്രൂപ്പ് സി-യിലാണ് ഇന്ത്യ ഉള്പ്പെട്ടിരിക്കുന്നത്. ഖത്തര്, ബഹ്റൈന്, കസാക്കിസ്ഥാന് എന്നിവരാണ് ഗ്രൂപ്പിലെ മറ്റ് കരുത്തരായ ടീമുകള്.
ഇന്ത്യയുടെ മത്സരക്രമം:
ഏപ്രില് 25: ഇന്ത്യ -കസാക്കിസ്ഥാന് (ആദ്യ മത്സരം)
ഏപ്രില് 25: ഇന്ത്യ -ബഹ്റൈന്
ഏപ്രില് 27: ഇന്ത്യ – ഖത്തര്
