ചാലക്കുടി: ആര്എസ്എസ് മുന് സംസ്ഥാന സേവാപ്രമുഖും എറണാകുളം വിഭാഗ് മുന് സംഘചാലകുമായ ചാലക്കുടി കണ്ണമ്പുഴ റോഡില് ഐനിക്കാട്ടു മഠത്തില് ജി. പത്മനാഭന് (സ്വാമി-81) അന്തരിച്ചു. ചാലക്കുടി ജഗദ്ഗുരു ട്രസ്റ്റ് ചെയര്മാനും ആര്എസ്എസ് ചാലക്കുടി ഖണ്ഡ് സംഘചാലകുമാണ്. 1980ല് വിശ്വഹിന്ദു പരിഷത്തിലൂടെയാണ് സാമൂഹിക സേവനരംഗത്തെത്തിയത്. 1989 മുതല് ആര്എസ്എസിന്റെ പ്രവര്ത്തനത്തില് സജീവമായി. ഇരിങ്ങാലക്കുട ജില്ലാ സംഘചാലകായി ഏറെക്കാലം പ്രവര്ത്തിച്ചു.
ട്രാവന്കൂര് കൊച്ചിന് കെമിക്കല്സ് മുന് ചീഫ് എന്ജിനീയറും മാനേജരുമായിരുന്നു. ചാലക്കുടി ജഗദ് ഗുരു ട്രസ്റ്റിന്റെയും അനുബന്ധ സ്ഥാപനങ്ങളായ ചാലക്കുടി വ്യാസ വിദ്യാനികേതന് സെന്ട്രല് സ്കൂള്, കുറ്റിച്ചിറ ശ്രീനാരായണ വിദ്യാനികേതന് സ്കൂള്, മേലൂര് ശ്രീധര്മ ശാസ്താ വിദ്യാനികേതന് സ്കൂള്, ജീവന് രക്ഷാവേദി, വിവേകാനന്ദ ബാലവികാസ കേന്ദ്രം, സൗപര്ണികാ ബാലികാസദനം, പതഞ്ജലി യോഗ വിദ്യാപീഠം എന്നിവയുടെ സ്ഥാപകരില് ഒരാളാണ്. കൊച്ചി അയോദ്ധ്യാ പ്രിന്റേഴ്സ് മുന് ചെയര്മാനാണ്.
സംസ്കാരം ഇന്ന് രാവിലെ 11ന് ചേനത്തുനാട് കോടശേരി ബ്രാഹ്മണ മഠം രുദ്ര ശ്മശാനത്തില്. ഭാര്യ: ജാനകി (റിട്ട. ഓഫിസര്, എസ്ബിടി). മക്കള്: രാജലക്ഷ്മി (ഇന്ഫോ പാര്ക്ക്, കൊച്ചി), രാജശ്രീ (ടെക്നോപാര്ക്ക്, തിരുവനന്തപുരം). മരുമക്കള്: സുരേഷ് ഹരിതം തൃപ്പൂണിത്തുറ (ടിസിഎസ്, ഇന്ഫോ പാര്ക്ക്, കൊച്ചി), രാകേഷ് വന്ശിഖ തിരുവനന്തപു
രം (ഐഎസ്ആര്ഒ, തിരുവനന്തപുരം).
