ആലപ്പുഴ:രോഗിയായ ബന്ധുവിനെ ആശുപത്രിയില് എത്തിക്കാന് ഓട്ടോറിക്ഷയില് ഒപ്പം പോയ യുവതി അപകടത്തില് മരിച്ചു.പുന്നപ്ര പാലപ്പറമ്പ് വീട്ടില് സോണിമോന്റെയും മിനിമോളുടെയും മകള് സ്വാതി (22) ആണ് മരിച്ചത്. പുലര്ച്ചെ ഒന്നരയോടെ പുന്നപ്ര അറവുകാട് കണ്ണമ്പള്ളി ജംഗ്ഷന് സമീപം ആണ് അപകടം.
മാതൃസഹോദരന് അഭിലാഷിന് പെട്ടെന്ന് വയറുവേദന ഉണ്ടായതിനെ തുടര്ന്ന് മെഡിക്കല് കോളേജ് ആശുപത്രിയിലേക്ക് ഓട്ടോയില് പോവുകയായിരുന്നു സ്വാതിയും സംഘവും. യാത്രാമധ്യേ സൈഡ് റോഡില്നിന്നു പെട്ടെന്ന് പഴയ നടക്കാവ് റോഡിലേക്ക് കയറിവന്ന ബൈക്ക് യാത്രക്കാരനെ രക്ഷിക്കാന് ഓട്ടോ വെട്ടിക്കവെ നിയന്ത്രണം തെറ്റി വൈദ്യുത പോസ്റ്റിലിടിക്കുകയായിരുന്നു.
ഇടിയുടെ ആഘാതത്തില് വൈദ്യുത പോസ്റ്റ് ഒടിഞ്ഞ് കമ്പികളുമായി വാഹനത്തിന് മുകളിലേക്ക് പതിച്ചു. ഇതോടെ രക്ഷാപ്രവര്ത്തനം നടത്താനാവാതെ നാട്ടുകാര് നിസഹായരായി. കെഎസ്ഇബി ജീവനക്കാരെത്തി വൈദ്യുതി വിച്ഛേദിച്ച ശേഷം ഒരു മണിക്കൂറോളം പരിശ്രമിച്ചാണ് സ്വാതിയെ പുറത്തെടുത്തത്. അപ്പോഴേക്കും രക്തം വാര്ന്ന് സ്വാതി മരിച്ചിരുന്നു. അഭിലാഷ്, ദീപിക, ഡ്രൈവര് ഹരിസുധന് എന്നിവര് പരിക്കുകളോടെ രക്ഷപ്പെട്ടു. പുന്നപ്ര പാലപ്പറമ്പ് വീട്ടില് സോണിമോന്റെയും മിനിമോളുടെയും മകളാണ് സ്വാതി.
