കൊച്ചി: മധ്യപ്രദേശിലെ പ്രായപൂര്ത്തിയാകാത്ത വൈറല് പെണ്കുട്ടിയും വിവാഹം കഴിച്ച ഫര്മാന് ഖാനും കൊച്ചിയില് രഹസ്യകേന്ദ്രത്തിലുണ്ടെന്നു സൂചന. ഇരുവര്ക്കും ഒളിത്താവളവും എല്ലാ സൗകര്യവുമൊരുക്കുന്നത് സിപിഎമ്മും ജിഹാദികളുമാണെന്നാണ് വിവരം.
എറണാകുളത്തെ വിവിധ മേഖലകള് ജിഹാദികളുടെയും നിരോധിത പോപ്പുലര് ഫ്രണ്ട് ഭീകരരുടെയും ശക്തി കേന്ദ്രങ്ങളാണ്. ഇവര്ക്ക് ഒളിത്താവളമൊരുക്കാനും സംരക്ഷിക്കാനും ഭീകരര്ക്കു ബുദ്ധിമുട്ടില്ല. സിപിഎമ്മും സര്ക്കാരും ഭീകരര്ക്ക് അനുകൂല നിലപാടെടുക്കുന്നതിനാല് പോലീസ് നിഷ്ക്രിയമാണ്. മധ്യപ്രദേശ് പോലീസ് അന്വേഷണവുമായി കൊച്ചിയില് ക്യാമ്പ് ചെയ്യുന്നുണ്ടെങ്കിലും വിവരങ്ങളൊന്നും കേരള പോലീസ് നല്കുന്നില്ലെന്നാണ് ആക്ഷേപം. ഫര്മാന് ഖാനും പെണ്കുട്ടിയും എവിടെയുണ്ടെന്നു കേരള പോലീസിനറിയാമെന്നാണ് സൂചന. എന്നാല് ഇതു രഹസ്യമായി വച്ചിരിക്കുകയാണ്. തിങ്കളാഴ്ച ഹൈക്കോടതി ഫര്മാന് ഖാന്റെ മുന്കൂര് ജാമ്യാപേക്ഷ പരിഗണിക്കുന്നതുവരെ പോലീസ് ഇപ്പോഴത്തെ നിസംഗത തുടരും. കോടതി ജാമ്യാപേക്ഷ തള്ളിയാല് മാത്രം എന്തെങ്കിലും ചെയ്താല് മതിയെന്നാണ് തത്ത്വത്തില് കേരള പോലീസ് തീരുമാനം. ഇതിനിടെ മധ്യപ്രദേശ് പോലീസ് ഇവരെ കണ്ടെത്തുകയാണെങ്കില് ഇടപെടേണ്ടതില്ലെന്നാണ് പോലീസ് നിലപാട്. ഹൈക്കോടതി അറസ്റ്റ് തടഞ്ഞുള്ള വിവരങ്ങള് മധ്യപ്രദേശ് പോലീസിന് കൈമാറിയതായാണ് സിറ്റി പോലീസ് കമ്മിഷണര് പറയുന്നത്. ഫലത്തില് ഇവരെ കണ്ടെത്താനുള്ള സാധ്യതകള് തിങ്കളാഴ്ച വരെ മങ്ങുകയാണ്.
ഏതെങ്കിലും തരത്തില് ഹൈക്കോടതിയില് നിന്നു തിരിച്ചടി വരാതിരിക്കാനുള്ള ശ്രമം സിപിഎം ആരംഭിച്ചിട്ടുണ്ട്.
പാര്ട്ടി സംസ്ഥാന സെക്രട്ടറിയും വിദ്യാഭ്യാസ മന്ത്രിയും എംപിയും വിവാഹത്തിന് എല്ലാ സൗകര്യവുമായി രംഗത്തുണ്ടായിരുന്നതും റിയല് കേരള സ്റ്റോറിയായി ആഘോഷിച്ചതും തിരിച്ചടിയായി.
പെണ്കുട്ടിക്ക് പ്രായപൂര്ത്തിയായിട്ടില്ലെന്നതു പുറത്തായത് സിപിഎമ്മിനെ പ്രതിരോധത്തിലാക്കി. അതുകൊണ്ടുതന്നെയാണ് ഫര്മാന് ഖാനെ സംരക്ഷിക്കാന് സിപിഎം ഒന്നടക്കം രംഗത്തിറങ്ങിയിരിക്കുന്നത്.
