ന്യൂദല്‍ഹി: മുഖ്യമന്ത്രി സ്ഥാനത്തേക്ക് കെ സി വേണുഗോപാലിനെ പരിഗണിക്കണമെന്ന് എഐസിസി അധ്യക്ഷന്‍ മല്ലികാര്‍ജുന ഖര്‍ഗെയോട് ആവശ്യപ്പെട്ട് കെ സുധാകരന്‍ എംപി.മുഖ്യമന്ത്രി ചര്‍ച്ചയുമായി ബന്ധപ്പെട്ട വിവാദങ്ങള്‍ അനാവശ്യമെന്നും അദ്ദേഹം പറഞ്ഞു
ചടുലമായ പ്രവര്‍ത്തനമാണ് ഇപ്പോള്‍ ആവശ്യമെന്നും കെ സി വേണുഗോപാലിന് അതിന് കഴിയുമെന്നും കെ സുധാകരന്‍ പറഞ്ഞു.കൃത്യ സമയത്ത് തീരുമാനങ്ങളെടുക്കാന്‍ കെ സിക്ക് കഴിയും.താന്‍ എവിടെയും മൈക്ക് വച്ച് പ്രസംഗിച്ചിട്ടില്ല. മാധ്യമങ്ങളാണ് പ്രചാരണം നടത്തിയത്. ചര്‍ച്ചകളില്‍ കെസിയുടെ പേര് മാത്രം മതി എന്ന് താന്‍ പറഞ്ഞിട്ടില്ല. ഭരണപരമായ പ്രവര്‍ത്തി പരിചയം ഉളളതിനാലാണ് രമേശ് ചെന്നിത്തലയുടെ പേര് ആദ്യം പറഞ്ഞത്. മല്ലികാര്‍ജുന ഖര്‍ഗെയുമായുള്ള കൂടിക്കാഴ്ചയില്‍ സംതൃപ്തനാണ്.
പാര്‍ലമെന്റില്‍ വച്ചാണ് കെ സുധാകരന്‍ മല്ലികാര്‍ജുന്‍ ഖര്‍ഗെയുമായി കൂടിക്കാഴ്ച നടത്തിയത്. അതേസമയം കെ സുധാകരനും ഖാര്‍ഗെയും തമ്മിലുളള കൂടിക്കാഴ്ചയില്‍ കെ സി വേണുഗോപാല്‍ പ്രതികരിച്ചില്ല.
