മുംബൈ : വനിതാ സംവരണത്തിനായുള്ള ഭരണഘടനാ ഭേദഗതി ബിൽ വെള്ളിയാഴ്ച ലോക്സഭയിൽ പാസാകുന്നതിൽ പരാജയപ്പെട്ടു. പ്രതിപക്ഷ പാർട്ടികൾ ബില്ലിനെതിരെ വോട്ട് ചെയ്തു. ഈ പരാജയം രാജ്യത്തുടനീളമുള്ള സ്ത്രീകൾക്ക് വലിയ തിരിച്ചടിയായി. തുടർന്ന് രാജ്യത്തിന്റെ വിവിധ ഭാഗങ്ങളിൽ നിന്നും പ്രതിപക്ഷത്തിനെതിരെ കനത്ത വിമർശനമുണ്ടായി.
വനിതാ സംവരണ വിഷയത്തിൽ പ്രതികരിക്കുമ്പോൾ മുൻ അമരാവതി എംപി നവനീത് റാണയ്ക്ക് കണ്ണീരടക്കാൻ കഴിഞ്ഞില്ല. രാഷ്ട്രീയ താൽപ്പര്യങ്ങൾക്കായി ഈ രാജ്യത്തെ സ്ത്രീകളുടെ അവകാശങ്ങൾ അവർ കവർന്നെടുത്തുവെന്ന് പറഞ്ഞുകൊണ്ട് മുൻ എംപി പ്രതിപക്ഷ പാർട്ടികളെ ആക്രമിച്ചു.
“ഈ ബില്ലിനെ എതിർത്തവരോട് ഈ രാജ്യത്തെ സ്ത്രീകൾ ഒരിക്കലും ക്ഷമിക്കില്ല. സ്ത്രീകൾക്ക് ഏറ്റവും ഇരുണ്ട ദിനമാണ് ഈ പ്രതിഷേധക്കാർ സൃഷ്ടിച്ചത്, ഈ രാജ്യത്തെ ഒരു സ്ത്രീയും ഇവർക്ക് ക്ഷമിക്കില്ല” – മുൻ അമരാവതി എംപി നവനീത് റാണ കണ്ണീരോടെ പ്രതികരിച്ചു.
കൂടാതെ “മോദി ജി, രാജ്യമെമ്പാടുമുള്ള സ്ത്രീകൾ നിങ്ങളോട് വളരെയധികം നന്ദിയുള്ളവരാണ്. പ്രധാനമന്ത്രി എന്ന നിലയിൽ, ഈ രാജ്യത്തെ സാധാരണ സ്ത്രീകൾക്ക് വേണ്ടി, ചർച്ചയ്ക്കായി പോലും, നിങ്ങൾ പാർലമെന്റിൽ ഒരു ബിൽ കൊണ്ടുവന്നു. പ്രതിപക്ഷ പാർട്ടികൾ അവരുടെ രാഷ്ട്രീയ താൽപ്പര്യങ്ങൾക്കായി ഈ രാജ്യത്തെ സ്ത്രീകളുടെ അവകാശങ്ങൾ കവർന്നെടുത്തു.”_ മുൻ എംപി കൂട്ടിച്ചേർത്തു.
