കൊച്ചി : താൻ പോർക്ക് കഴിക്കാത്തത് ഖുറാനിൽ കഴിക്കരുതെന്ന് പറഞ്ഞിട്ടുള്ളതിനാലാണെന്ന് ഷിയാസ് കരീം . ബീഫ് വിവാദത്തിൽ തന്റെ ഭാഗം ന്യായീകരിക്കുന്നതിനിടെയാണ് പോർക്ക് കഴിക്കുന്നതിനെ ഷിയാസ് തള്ളിപറയുന്നത് . അത് തന്റെ മതം അനുവദിക്കുന്നില്ലെന്ന് തന്നെയാണ് ഷിയാസ് വ്യക്തമാക്കുന്നത് .
‘ പോർക്ക് ഇറച്ചി കപ്പയുമായി ഉലർത്തി കഴിച്ചാൽ ടേസ്റ്റാണ് . എന്നാൽ നമ്മൾ പഠിച്ച കിത്താബിൽ ഖുറാനിൽ അത് കഴിക്കരുതെന്ന് ഉള്ളതുകൊണ്ട് കഴിക്കാത്തതാണ്, അല്ലെങ്കിൽ എന്നെ തിരിച്ചു കടിക്കാത്ത എല്ലാത്തിനെയും തിന്നുന്ന ആളാണ് ഞാൻ ‘ എന്നാണ് ഷിയാസ് പറയുന്നത് .
സ്വന്തം മതത്തിനും, വിശ്വാസങ്ങൾക്കും മുൻ തൂക്കം നൽകിയാണ് ഷിയാസിന്റെ പ്രസ്താവന . അതേസമയം ഹിന്ദുവിശ്വാസികളെ സംബന്ധിച്ച് ഗോമാംസം ഭക്ഷിക്കുന്നത് തെറ്റാണെന്ന , അല്ലെങ്കിൽ വിശ്വാസങ്ങളെ വ്രണപ്പെടുത്തുമെന്ന ചിന്ത ബോധപൂർവ്വം ഷിയാസ് അവഗണിക്കുകയും ചെയ്യുന്നു.
നിരവധി പേരാണ് ഇക്കാര്യത്തിൽ ഷിയാസിനെ വിമർശിച്ച് രംഗത്തെത്തിയത്. ‘ പണ്ടത്തേത് പോലെ നമ്മളാണ് ശരി എന്ന് ലോകത്തെ ബോധ്യപ്പെടുത്താന് നമ്മളായിട്ട് ഒന്നും ചെയ്യേണ്ടതേയില്ല….മിണ്ടാതെ കയ്യും കെട്ടി നോക്കി നിന്നാല് മതി…. അല്പം ക്ഷമ വേണം എന്ന് മാത്രം ‘ എന്നാണ് ബിജെപി നേതാവ് യുവരാജ് ഗോകുലിന്റെ പ്രതികരണം.
