തൃശൂര്: കേരള വിമെന്സ് ലീഗില് നാലാമത്തെയും തുടര്ച്ചയായ മൂന്നാമത്തെയും കിരീടം ചൂടി ഗോകുലം വനിതാ ടീം. ടൂര്ണമെന്റിലുടനീളെ വന് മുന്നേറ്റം നടത്തിയ ടീം ഫൈനല് മത്സരത്തില് ലോര്ഡ്സ് എഫ് എ കൊച്ചിയെ 5-0 നാണ് തോല്പിച്ചത്. 6′ മേനക 22′ ഷില്ജി, 36′ 59′ ആര്യ, 84′ അലീന എന്നിങ്ങനെയാണ് ഗോള് സ്കോറര്മാര്. ഫൈനലിന്റെ ആദ്യ നിമിഷങ്ങള് തൊട്ട് നന്നായി ആക്രമിച്ചു കളിച്ച ഗോകുലത്തിനെ പിടിച്ചുനിര്ത്താന് ഒരു ഘട്ടത്തിലും ലോര്ഡ്സിനായില്ല. മുഴുവന് സമയവും കളിയുടെ സമസ്ത മേഖലകളും നിയന്ത്രിച്ച ഗോകുലം വനിതകള് ഫൈനലിന്റെ യാതൊരു പ്രെഷറും കൂടാതെയാണ് പന്തുതട്ടിയത്.
10 കളികളില് നിന്നായി 39 ഗോളുകള് നേടിയ ടീം ഒരു ഗോള് മാത്രമാണ് വഴങ്ങിയത്. ഗോകുലം ഗോള് കീപ്പര് മെലഡി ചാനുവാണ് ടൂര്ണമെന്റിലെ ബെസ്റ് ഗോള് കീപ്പര് ആയി തിരഞ്ഞെടുക്കപ്പെട്ടത്. മുസ്കാനും വൈഷ്ണവിയും 6 വീതം ഗോളുകള് നേടി ടീമിന്റെ ടോപ് സ്കോറെര്സ് ആയപ്പോള് ടൂര്ണമെന്റിലെ ഫാസ്റ്റസ്റ് ഗോള് (2 ആം മിനിറ്റ്) ഉള്പ്പെടെ നേടിയ മുസാകാന് തന്നെ യാണ് പ്ലയെര് ഓഫ് ദി ടൂര്ണമെന്റും. 2021-22 , 2023-24, 2024-25 വര്ഷങ്ങളില് മുന്പ് ചാമ്പ്യന്സ് ആയിട്ടുള്ള ടീം 2022-23 സീസണില് മാത്രമാണ് റണ്ണര് അപ് ആയത് 2025-26 ലെ ചാംപ്യന്ഷിപ് വിജയം ടീമിന്റെ 4 മത്തെ കെ ഡബ്ള്യു എല് കിരീടമാണ്.
ബേബി ലാല് ചാന്ധാമി (മണിപ്പുര്) ആണ് ടീം ക്യാപ്റ്റന്. പ്രിയങ്ക പ്രശാന്ത് ആണ് ടീമിന്റെ ഹെഡ് കോച്ച്, രാമന് വിജയന് : ടെക്നിക്കല് ഡയറക്ടര്, ഗാര്സിയ: ഫിറ്റ്നസ് കോച്ച്, വി രമ്യ: ഫിസിയോ, മിന്ന എളം പുലാവില് : ടീം മാനേജര്, മൈക്കിള് ആന്ഡ്രൂസ് എന്നിവരാണ് മറ്റു ടീം ഒഫീഷ്യല്സ്.
