സൈപ്രസ് : പ്രജ്ഞാനന്ദയും ദിവ്യ ദേശ് മുഖും നിരാശപ്പെടുത്തിയ കാന്‍ഡിഡേറ്റ് ടൂര്‍ണ്ണമന്‍റില്‍ ഇന്ത്യയുടെ വൈശാലി കുതിയ്‌ക്കുന്നു. പത്ത് റൗണ്ടുകള്‍ പിന്നിട്ടപ്പോള്‍ പ്രജ്ഞാനന്ദയുടെ ചേച്ചിയായ വൈശാലി ആറ് പോയിന്‍റോടെ ഒന്നാം സ്ഥാനത്ത് നില്‍ക്കുന്നു.
ഒമ്പതാം റൗണ്ടില്‍ ഇന്ത്യയുടെ ദിവ്യ ദേശ്മുഖിനെതിരെ ഉജ്വല വിജയം നേടിയ വൈശാലി പത്താം റൗണ്ടില്‍ കറുത്ത കരുക്കള്‍ കൊണ്ട് കളിച്ച് അന്ന മ്യൂസിചുക്കിനെ സമനിലയില്‍ തളച്ചു. ദിവ്യ ദേശ്മുഖിനെതിരായ മത്സരത്തില്‍ തന്റെ തേരിനെ ബലികൊടുത്ത് കൊണ്ട് വിജയം കൊയ്ത വൈശാലിയുടെ പ്രകടനം ഏറെ പ്രശംസ പിടിച്ചുപറ്റി.
അതേ സമയം പ്രജ്ഞാനന്ദയ്‌ക്ക് കിരീടസാധ്യത നഷ്ടപ്പെട്ടു. തുടര്‍ച്ചയായ തോല്‍വികള്‍ പ്രജ്ഞാനന്ദയെ പിറകോട്ടടിപ്പിച്ചു. ഒടുവില്‍ ഡച്ച് താരം അനീഷ് ഗിരിയോടും ഉസ്ബെക്ക് താരം ജവോഖിര്‍ സിന്‍ഡൊറോവിനോടും പ്രജ്ഞാനന്ദ തോറ്റിരുന്നു.
