പാലക്കാട് : കോൺഗ്രസിന്റെ സൈബർ ആക്രമണത്തിനെതിരെ എൻഡിഎ സ്ഥാനാർത്ഥി ശോഭാസുരേന്ദ്രൻ തെരഞ്ഞെടുപ്പ് കമ്മീഷന് പരാതി നൽകി. കോൺഗ്രസിന്റെ സൈബർ അണികൾ കേട്ടാൽ അറക്കുന്ന ഭാഷയിൽ സൈബർ ആക്രമണം നടത്തുന്നുവെന്നാണ് പരാതി.ഷാഫി പറമ്പിൽ, രാഹുൽ മാങ്കൂട്ടത്തിൽ ,പ്രശോഭ് എന്നിവരുടെ മാഫിയ പ്രവർത്തനം തുറന്നു പറഞ്ഞതിനാണ് തനിക്കെതിരെ ആക്രമണം നടത്തുന്നതെന്നും ശോഭാ സുരേന്ദ്രൻ പറഞ്ഞു.
അതേസമയം ശോഭാസുരേന്ദ്രന് പിന്തുണയുമായി കെ പി ശശികല ടീച്ചറും രംഗത്തെത്തി. ഇവരുടെ ഈ ആക്രമണമാണ് കരുത്തെന്നും ധൈര്യമായി മുന്നോട്ട് പോകാനുമാണ് ശശികല ടീച്ചർ ഫേസ്ബുക്ക് പോസ്റ്റിൽ പറയുന്നത്.
‘ ശോഭാ ജി ഇവമ്മാരുടെ തെറിയാണ് നമ്മുടെ കരുത്ത്
ധൈര്യമായി മുന്നോട്ടു പോകു
ഒഴിവുള്ളപ്പോൾ ഈ page ൽ എന്റെ post നു വരുന്ന കമൻ്റ്സ് മുഴുവനും ഞാൻ വായിക്കും.
ആരേയും ഞാൻ ബ്ളോക്കാറില്ല.
ഞാനാണ് ശരി എന്ന് എനിക്ക് ബോധ്യമാവുന്ന സന്ദർഭമാണത്.
ഉത്തരം മുട്ടുമ്പോഴാണല്ലോ കൊഞ്ഞനം കാട്ടുന്നത്.
തെറി പറയാൻ രണ്ടു മുന്നണികളും ജിഹാദികളും മത്സരിക്കുകയാണ് .
ആദർശത്തിന്റെ ശക്തി എന്താണ് എന്ന് അവന്മാർക്കറിയില്ലല്ലോ?‘ എന്നാണ് ശശികല ടീച്ചറിന്റെ വാക്കുകൾ.
