മുംബയ്: ഈ വര്‍ഷത്തെ ഇന്ത്യന്‍ ക്രിക്കറ്റ് ടീമിന്റെ ഹോം സീസണ്‍ മത്സരക്രമം ബിസിസിഐ പ്രഖ്യാപിച്ചു. വെസ്റ്റ് ഇന്‍ഡീസ്, ശ്രീലങ്ക, സിംബാബ്വെ, ഓസ്ട്രേലിയ ടീമുകളാണ് ഈ വര്‍ഷം ഇന്ത്യയില്‍ പര്യടനത്തിനെത്തുന്നത്.ആകെ 22 മത്സരങ്ങള്‍ 17 നഗരങ്ങളിലായി നടക്കും.
സെപ്തംബര്‍ 27-ന് തിരുവനന്തപുരത്ത് നടക്കുന്ന ഏകദിന മത്സരത്തോടെ സീസണ്‍ തുടങ്ങും. വെസ്റ്റ് ഇന്‍ഡീസാണ് ഇന്ത്യയുമായി കളിക്കാനെത്തുക.വെസ്റ്റ് ഇന്‍ഡീസുമായി മൂന്ന് ഏകദിനങ്ങളും അഞ്ച് ടി20 മത്സരങ്ങളുമാണ് ഇന്ത്യ പരമ്പരയില്‍ കളിക്കുക.
ഇന്ത്യ-വെസ്റ്റ് ഇന്‍ഡീസ് പരമ്പര: സെപ്തംബര്‍ 27 (തിരുവനന്തപുരം), സെപ്തംബര്‍ 30 (ഗുവാഹത്തി), ഒക്ടോബര്‍ 3 (ചണ്ഡീഗഡ്).
