കോട്ടയം: പോളിറ്റ് ബ്യൂറോയില്‍നിന്നും മാര്യേജ് ബ്യൂറോയിലേക്കാണ് കമ്യൂണിസ്റ്റ് പാർട്ടിയുടെ വളർച്ചയെന്ന് പി.സി ജോർജ്. വേടന്റെ വിവാഹം വരെ നടത്തിയ സ്ഥിതിക്ക് നിങ്ങള്‍ ആ രാഹുലിനെ കൂടെ പിടിച്ചു കെട്ടിക്ക് എന്നും അദ്ദേഹം പരിഹസിച്ചു. തന്റെ ഫോസ്ബുക്ക് അക്കൗണ്ടിലാണ് പി.സി. ജോര്‍ജ് സിപിഎം നേതാക്കളെ പരിഹസിച്ച് പോസ്റ്റിട്ടത്.
സിപിഎം നേതാക്കളുടെ സാന്നിധ്യത്തില്‍ ഇന്നലെ മൊണാലിസ ഭോസ്‌ലയും കാമുകന്‍ ഫര്‍മാന്‍ ഖാനും തമ്മിലുള്ള വിവാഹം നടന്നിരുന്നു. ഇതേ തുടർന്നാണ് പി.സി. ജോര്‍ജ് രംഗത്ത് എത്തിയത്. ‘ശിവന്‍കുട്ടിയും ഗോവിന്ദനും റഹീമും കല്യാണം നടത്തി കൊടുക്കുന്നുണ്ടെന്ന് അറിഞ്ഞു. വേടന്റെ വിവാഹം വരെ നടത്തിയ സ്ഥിതിക്ക് നിങ്ങള്‍ ആ രാഹുലിനെ കൂടെ പിടിച്ചു കെട്ടിക്ക്’ എന്നാണ് പി.സി. ജോ!ര്‍ജ് തന്റെ ഫേസ്ബുക്കില്‍ കുറിച്ചത്.
ചെറുക്കന്‍ നന്നാവട്ടെയെന്നും രാഹുല്‍ ഗാന്ധിയല്ല പാലക്കാട് എംഎല്‍എ രാഹുലിനെയാണ് ഉദ്ദേശിച്ചതെന്നും പി.സി. ജോര്‍ജ് ഫേസ്ബുക്ക് കുറിപ്പില്‍ പരിഹസിച്ചു.
പോളിറ്റ് ബ്യൂറോയിൽ നിന്നും മാര്യേജ് ബ്യൂറോയിലേയ്‌ക്കുള്ള കേരള കമ്മ്യൂണിസ്റ്റ്‌ പാർട്ടിയുടെ വളർച്ചയെന്നും പിസി ജോർജ് പരിഹസിച്ചു.
