കൊച്ചി : 19 വയസുകാരി ജാസ്ലിയ ജോണ്സണ് ഇനി ജീവിക്കുക നാലുപേരിലൂടെ.മസ്തിഷ്ക മരണം സംഭവിച്ച എടവനക്കാട് സ്വദേശി ജാസ്ലിയയുടെ കരള് രാജഗിരി ആശുപത്രിയിലേക്കും വൃക്ക കോട്ടയം മെഡിക്കല് കോളേജിലേക്കും കൈമാറും.നേത്രപടലങ്ങള് അങ്കമാലി നേത്ര ബാങ്കിനാണ് കൈമാറുന്നത്.
ശനിയാഴ്ച അങ്കമാലിയില് നടന്ന അപകടത്തില് ജാസ്ലിയക്ക് തലയ്ക്ക് ആണ് പരിക്കേറ്റത്.ഇന്ന് പുലര്ച്ചയാണ് മസ്തിഷ്ക മരണം സ്ഥിരീകരിച്ചത്.
അങ്കമാലി മോണിംഗ് സ്റ്റാര് കോളേജിലെ രണ്ടാം വര്ഷ ബിരുദ വിദ്യാര്ത്ഥിനിയായിരുന്നു.ജാസ്ലിയ പഠനത്തോടൊപ്പം പാര്ട്ട് ടൈം ജോലിയും ചെയ്തിരുന്നു. ജോലി കഴിഞ്ഞ് മടങ്ങുന്നതിനിടെ കാര് ഇടിച്ചാണ് തലയ്ക്ക് ഗുരുതര പരിക്കേല്ക്കുന്നത്. ആദ്യം അങ്കമാലിയിലെ സ്വകാര്യ ആശുപത്രിയില് പ്രവേശിപ്പിച്ച ജാസ്ലിയയെ പിന്നീട് രാജഗിരി ആശുപത്രിയിലേക്ക് മാറ്റി.ബുധനാഴ്ച രാവിലെ 8 മണി മുതല് മോണിംഗ് സ്റ്റാര് കോളേജില് പൊതുദര്ശനം ഉണ്ടാകും.
