തിരുവനന്തപുരം: ആറ്റുകാല്‍ പൊങ്കാല ഡ്യൂട്ടിക്കെത്തുന്ന പൊലീസ് ഉദ്യോഗസ്ഥര്‍ക്ക് താമസസൗകര്യം ഒരുക്കുന്നതിന് തിരുവനന്തപുരം നഗരപരിധിയിലെ 28 വിദ്യാലയങ്ങള്‍ക്ക് മാര്‍ച്ച് രണ്ടിനും അവധി പ്രഖ്യാപിച്ചു. തുഞ്ചന്‍ സ്മാരക സമിതി ടി.ടി.ഐ, ഗവ. ബോയ്‌സ് ഹൈസ്‌കൂള്‍ ചാല, ഗവ ഗേള്‍സ് ഹയര്‍ സെക്കന്‍ഡറി സ്‌കൂള്‍ കരമന, ഗവ. ഗേള്‍സ് ഹൈസ്‌കൂള്‍ ചാല, ഗവ എല്‍ പി സ്‌കൂള്‍ ചാല, ഗവ. തമിഴ് ഹയര്‍സെക്കന്‍ഡറി സ്‌കൂള്‍ ചാല, ഗവ യുപി സ്‌കൂള്‍ ചാല, ഗവ സംസ്‌കൃത ഹൈസ്‌കൂള്‍ ഫോര്‍ട്ട്, ശ്രീവിദ്യാധിരാജ വിദ്യാമന്ദിര്‍ കളിപ്പാം കുളം, ഗവ സംസ്‌കൃതം എല്‍ പി സ്‌കൂള്‍ ഫോര്‍ട്ട്, ഗവ സെന്‍ട്രല്‍ ഹൈസ്‌കൂള്‍, ഗവ എല്‍ പി സ്‌കൂള്‍ കുര്യാത്തി, ജവഹര്‍ ഇ എം എച്ച് എസ് മണക്കാട്, ശ്രീ മരുതിറാം ഇഎംഎച്ച്എസ് കരമന, ഗവ യുപി സ്‌കൂള്‍ വലിയശാല, ഗവ യുപി സ്‌കൂള്‍ അമ്പലത്തറ, ഗവ യുപി സ്‌കൂള്‍ തമ്പാനൂര്‍ എന്നീ സ്‌കൂളുകള്‍ക്ക് അവധി ആയിരിക്കും. ഇതിന് പുറമെ
വ ബോയ്‌സ് സ്‌കൂള്‍ കരമന, ഗവ ഗേള്‍സ് ഹൈസ്‌കൂള്‍ കരമന, എസ് എം വി ഗവ ഗേള്‍സ് ഹൈസ്‌കൂള്‍ തമ്പാനൂര്‍, ആറ്റുകാല്‍ ചിന്മയ വിദ്യാലയ, ഗവ ഹയര്‍സെക്കന്‍ഡറി സ്‌കൂള്‍ കമലേശ്വരം, ഗവ യുപി സ്‌കൂള്‍ കൊഞ്ചിറവിള, ഗവ ഹൈസ്‌കൂള്‍ കാലടി, ഗവ യുപി സ്‌കൂള്‍ നെടുങ്കാട്, ഗവ യുപി സ്‌കൂള്‍ ഫോര്‍ട്ട്, ഗവ ഹയര്‍സെക്കന്‍ഡറി സ്‌കൂള്‍ മണക്കാട്, മിഷന്‍ സ്‌കൂള്‍ ഫോര്‍ട്ട് എന്നിവയ്‌ക്കും അവധിയായിരിക്കും. വിദ്യാഭ്യാസ ഉപഡയറക്ടറാണ് ഇത് സംബന്ധിച്ച് ഉത്തരവിറക്കിയത്.
പൊങ്കാല നടക്കുന്ന മാര്‍ച്ച് മൂന്നിന് തിരുവനന്തപുരം ജില്ലയില്‍ ജില്ലാ കളക്ടര്‍ പ്രാദേശിക അവധി പ്രഖ്യാപിച്ചിട്ടുണ്ട്. തിരുവനന്തപുരം ജില്ലയിലെ എല്ലാ വിദ്യാഭ്യാസ സ്ഥാപനങ്ങള്‍ക്കും സര്‍ക്കാര്‍- അര്‍ദ്ധ സര്‍ക്കാര്‍ സ്ഥാപനങ്ങള്‍ക്കും അവധി ആയിരിക്കുമെന്നാണ് ജില്ലാ കളക്ടറുടെ അറിയിപ്പ്.
