കാസര്ഗോഡ്: സമൂഹമാധ്യമ ഇന്ഫ്ലുവന്സര് ചിന്നു പാപ്പു എന്ന കെ. രേഷ്മയുടെ മരണത്തില് ദുരൂഹതയില്ലെന്ന് പൊലീസ്.ചിന്നുവിന്റെ ആണ്സുഹൃത്തിനെ ചോദ്യം ചെയ്തെങ്കിലും സംശയകരമായി ഒന്നും കണ്ടെത്താനായില്ല. ഇയാളെ വിട്ടയച്ചെന്ന് പൊലീസ് പറഞ്ഞു.
എന്നാല്,കേസില് അന്വേഷണം തുടരും.ചിന്നു പാപ്പുവിനെ കുഡ്ലു ആസാദ് നഗറിലെ വാടക വീട്ടില് തൂങ്ങി മരിച്ച നിലയില് കണ്ടെത്തിയത് തിങ്കളാഴ്ചയാണ്.കഴുത്തില് ബെഡ് ഷീറ്റ് മുറുകി ശ്വാസംമുട്ടിയാണ് മരണമെന്നാണ് പ്രാഥമിക പോസ്റ്റ്മോര്ട്ടം റിപ്പോര്ട്ട്.
മരണത്തില് ദുരൂഹതയുണ്ടെന്ന് ആരോപിച്ച് കുടുംബം രംഗത്തെത്തിയതോടെയാണ് അന്വേഷണം വ്യാപിപ്പിച്ചത്.മരണത്തില് ആണ്സുഹൃത്തിന് പങ്കുണ്ടെന്ന് യുവതിയുടെ കുടുംബം ആരോപിച്ചിരുന്നു.
ഭര്ത്താവുമായി അകന്ന് ആണ്സുഹൃത്തിനൊപ്പം വാടക വീട്ടിലായിരുന്നു ചിന്നു പാപ്പു താമസം. മരണത്തില് ആദ്യ ഭര്ത്താവിന് പങ്കുണ്ടോ എന്നതുള്പ്പെടെയുള്ള കാര്യങ്ങള് പൊലീസ് അന്വേഷിക്കുന്നുണ്ട്. ചിന്നുവിന്റെ ഫോണ് വിദഗ്ധ പരിശോധനയ്ക്ക് വിധേയമാക്കും.
