തിരുവനന്തപുരം: കോണ്‍ഗ്രസ് വനിതാ നേതാവ് എം എ ഷഹനാസ് തനിക്കെതിരെ അടിസ്ഥാനരഹിത ആരോപണങ്ങള്‍ ഉന്നയിച്ചെന്ന് കാട്ടി രാഹുല്‍ മാങ്കൂട്ടത്തില്‍ ഡി ജി പിക്ക് പരാതി നല്‍കി.ഷഹനാസിന് വക്കീല്‍ നോട്ടീസ് അയയ്ക്കും.
മാനനഷ്ടത്തിന് കോടതി മുഖേന നിയമനടപടികള്‍ ഉണ്ടാകുമെന്ന് രാഹുല്‍ മാങ്കൂട്ടത്തിലിന്റെ അഭിഭാഷകന്‍ ശേഖര്‍ ജി തമ്പി അറിയിച്ചു. കര്‍ഷക സമരത്തിന്റെ ഭാഗമായി ഷഹനാസിനെ ക്ഷണിച്ചെന്നത് വാസ്തവ വിരുദ്ധമാണെന്ന് രാഹുല്‍ മാങ്കൂട്ടത്തില്‍ പരാതിയില്‍ പറയുന്നു. സാരി ഉടുത്തതുമായി ബന്ധപ്പെട്ട് പറഞ്ഞതും അടിസ്ഥാനരഹിതമാണ്.ഷഹനാസിനെതിരെ കേസെടുക്കണം. ഗൂഢാലോചന നടന്നോയെന്ന് അന്വേഷിക്കണമെന്നും പരാതിയില്‍ ആവശ്യമുണ്ട്.
ഗൂഢാലോചന നടത്തിയ മറ്റുള്ളവര്‍ക്കെതിരെ കേസെടുക്കണം, ഷഹനാസുമായി ബന്ധപ്പെട്ട ഡിജിറ്റല്‍ തെളിവുകള്‍ കണ്ടെടുക്കണം. കൂടുതല്‍ അപകീര്‍ത്തികരമായ പരാമര്‍ശങ്ങള്‍ വരുന്നത് തടയണം എന്നിങ്ങനെയുളള ആവശ്യങ്ങളും രാഹുല്‍ മാങ്കൂട്ടത്തിലിന്റെ പരാതിയിലുണ്ട്.
