കൊച്ചി: ‘കാലം പറഞ്ഞ കഥ’ സിനിമ റിലീസ് ചെയ്യുന്നത് മാറ്റിവയ്ക്കണമെന്ന് ഹൈക്കോടതിയില് ഹര്ജി.വെഞ്ഞാറമൂട് കൂട്ടക്കൊല കേസ് പ്രതി അഫാന്റെ പിതാവ് എച്ച്. അബ്ദുള് റഹീമാണ് ഹൈക്കോടതിയെ സമീപിച്ചത്.വിചാരണ നടക്കാനിരിക്കെ സിനിമ റിലീസ് ചെയ്യുന്നത് തടയണമെന്നാണ് ആവശ്യം.
കേരളത്തെ നടുക്കിയ വെഞ്ഞാറമൂട് കൂട്ടക്കൊലയെ അധികരിച്ചാണ് സിനിമയെന്നാണ് ആരോപണം.
സിനിമ ഈ മാസം റിലീസ് ചെയ്യാനിരിക്കെയാണ് കൂട്ടക്കൊല കേസ് പ്രതിയുടെ പിതാവ് കോടതിയെ സമീപിച്ചത്. കേസില് വിചാരണ തുടങ്ങിയിട്ടില്ലാത്ത സാഹചര്യത്തില് ഇത്തരമൊരു സിനിമ റിലീസ് ചെയ്യുന്നത് മകന് ന്യായവിചാരണ ലഭിക്കാനുള്ള അവകാശത്തെ ഹനിക്കുകയും മാധ്യമവിചാരണയ്ക്കും മുന്വിധിക്കും കാരണമാകുമെന്നും ഹര്ജിയില് പറയുന്നു.
സിനിമ ഇപ്പോള് പുറത്തു വരുന്നത് സാക്ഷികളെ സ്വാധീനിക്കുമെന്നും ഹര്ജിയില് ഉണ്ട്.വിചാരണ തീരുന്നതുവരെ സിനിമയ്ക്കും കേസിനെപ്പറ്റിയുള്ള മറ്റു ദൃശ്യ-ശ്രാവ്യ ഉള്ളടക്കങ്ങള്ക്കും വിലക്കേര്പ്പെടുത്തണമെന്നും ഹര്ജിയില് ആവശ്യമുണ്ട്.
കഴിഞ്ഞ വര്ഷം ഫെബ്രുവരി 24നാണ് അഫാന് അഞ്ച് പേരെ കൊല ചെയ്തത്. പിതൃമാതാവ് സല്മാ ബീവി, പിതൃസഹോദരന് ലത്തീഫ്, ഭാര്യ ഷാഹിദ, സഹോദരന് അഹ്സാന്, സുഹൃത്ത് ഫര്സാന എന്നിവരെയാണ് അഫാന് കൊന്നത്. അഫാന്റെ ആക്രമണത്തില് ഗുരുതരമ പരിക്കേറ്റ മാതാവ് ഷെമി ദീര്ഘനാള് ചികിത്സ നടത്തിയ ശേഷമാണ് ജീവതത്തിലേക്ക് മടങ്ങി എത്തിയത്.
