ആലപ്പുഴ: ചേര്ത്തല പള്ളിപ്പുറം അമ്പിളി കൊലക്കേസില് ഭര്ത്താവ് രാജേഷിന് ഇരട്ട ജീവപര്യന്തവും രണ്ടു ലക്ഷം രൂപ പിഴയും ആലപ്പുഴ ജില്ലാ അഡിഷണല് സെഷന്സ് കോടതി മൂന്ന് ശിക്ഷ വിധിച്ചു.
2024 മേയ് 18 ന് പള്ളിപ്പുറം പള്ളിച്ചന്ത കവലയ്ക്കു സമീപം റോഡില് വച്ച് ഇരുവരും തമ്മില് തര്ക്കമുണ്ടാവുകയും അമ്പിളിയെ രാജേഷ് കുമാര് കുത്തിക്കൊല്ലുകയായിരുന്നു. അമ്പിളിയുടെ നെഞ്ചിലും കഴുത്തിലും മുതുകിലുമായി 17 കുത്തുകളുണ്ടായിരുന്നു. തുടര്ന്ന് അമ്പിളിയുടെ കൈവശമുണ്ടായിരുന്ന കളക്ഷന് ബാഗ് രാജേഷ് തട്ടിയെടുത്ത് കൊണ്ടുപോവുകയും ചെയ്തു. ജലഗതാഗത വകുപ്പ് ജീവനക്കാരനായിരുന്നു രാജേഷ് കുമാര്. തിരുനല്ലൂര് സഹകരണ ബാങ്കിലെ കളക്ഷന് ഏജന്റായിരുന്നു അമ്പിളി. കളക്ഷനുമായി അമ്പിളി സ്കൂട്ടറില് മടങ്ങുമ്പോഴാണ് ആക്രമണമുണ്ടായത്.
ചേര്ത്തല പോലീസ് ഇന്സ്പെക്ടര് പ്രൈജുവിന്റെ നേതൃത്വത്തിലുള്ള സംഘം അന്ന് തന്നെ പ്രതിയെ പിടികൂടി. വിചാരണയില് പ്രോസിക്യൂഷന് ദൃക്സാക്ഷികളെയും ശാസ്ത്രീയ തെളിവുകളും മെഡിക്കല് തെളിവുകളും ഹാജരാക്കി. അഡീഷണല് ഗവ പ്ലീഡര് എസ്. എ ശ്രീമോന് പ്രോസിക്യൂഷന് വേണ്ടി ഹാജരായി.
