ന്യൂദല്ഹി: പാകിസ്ഥാന് പ്രവിശ്യയിലെ വിവിധ നഗരങ്ങളില് നടന്ന വന്തോതിലുള്ള ആക്രമണങ്ങളുടെ ഉത്തരവാദിത്വം ഏറ്റെടുത്ത ബലൂചിസ്ഥാന് ലിബറേഷന് ആര്മി (ബിഎല്എ) , അവരുടെ രണ്ട് വനിതാ ചാവേറുകളുടെ (‘ഫിദായി’) ചിത്രങ്ങള് പുറത്തുവിട്ടു. ഒരാള് 24 കാരി ആസിഫ മെംഗല് ആണെന്ന് തിരിച്ചറിഞ്ഞിട്ടുണ്ട്. ഒരാളുടെ പേര് അറിവായിട്ടില്ല. ആക്രമണത്തില് 17 പാക് സുരക്ഷാ ഉദ്യോഗസ്ഥര് ഉള്പ്പെടെ 50 ഓളം പേരാണ് കൊല്ലപ്പെട്ടത്.
ആക്രമണം നടത്തും മുമ്പ് ബിഎല്എ പാകിസ്ഥാന് സര്ക്കാരിനെ പരിഹസിക്കുന്ന ഒരു വീഡിയോ പുറത്തുവിട്ടിരുന്നു. ‘പാകിസ്ഥാന് സര്ക്കാര് നമ്മുടെ അടിച്ചമര്ത്തപ്പെട്ട അമ്മമാരുടെയും സഹോദരിമാരുടെയും മേല് മാത്രമേ അവരുടെ അധികാരം കാണിക്കുന്നുള്ളൂ; അവര്ക്ക് നമ്മളെ നേരിട്ട് നേരിടാന് കഴിയില്ല. അത് അവരുടെ കഴിവിന് അപ്പുറമാണ്’ എന്ന് വീഡിയോയില് പറയുന്നുണ്ട്.
ബലൂചിസ്ഥാനിലുടനീളം സുരക്ഷാ സേനയെ ലക്ഷ്യമിട്ട് ‘ഹീറോഫ്’ (കറുത്ത കൊടുങ്കാറ്റ്) എന്ന് പേരിട്ടിരിക്കുന്ന രണ്ടാം ഘട്ട ഓപ്പറേഷന് ആരംഭിച്ചതായി ബിഎല്എ അറിയിച്ചു .
ബലൂചിസ്ഥാനിലെ ആക്രമണങ്ങളുടെ ഉത്തരവാദിത്വം ഏറ്റെടുത്ത് ബിഎല്എ, വനിതാ ‘ഫിദായി’കളുടെ ചിത്രം പുറത്തുവിട്ടു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.