തിരുവനന്തപുരം: പ്രതിപക്ഷ നേതാവ് വിഡി സതീശനും വിദ്യാഭ്യാസമന്ത്രി വി ശിവന്കുട്ടിയും തമ്മില് വാക് പോര് തുടരുന്നു.നേമത്ത് മത്സരിക്കില്ലെന്ന് പ്രതിപക്ഷ നേതാവ് പറയുന്നത് ഡീലിന്റെ ഭാഗമെന്ന് വി ശിവന്കുട്ടി ആരോപിച്ചു.
നേമത്ത് ബിജെപിയെ കോണ്ഗ്രസ് സഹായിക്കും. പകരമായി പറവൂരില് കോണ്ഗ്രസിന് ബിജെപി വോട്ടുകള് നല്കും.ഇങ്ങനെയാണ് ശിവന്കുട്ടിയുടെ വിമര്ശനം.
ഒത്തുകളി പുറത്തുവരുമ്പോള് പ്രതിപക്ഷ നേതാവിന് പരിഭ്രമമാണ്.ഫേസ്ബുക്കിലൂടെയാണ് ശിവന്കുട്ടിയുടെ വിമര്ശനം.വരുന്ന നിയമസഭാ തെരഞ്ഞെടുപ്പില് നേമത്ത് മത്സരിക്കാന് സതീശന് ധൈര്യമുണ്ടോ എന്ന് ഇന്നലെ വി ഡി സതീശനെതിരെ ശിവന്കുട്ടി വെല്ലുവിളിച്ചിരുന്നു.
നേമത്ത് ബി ജെ പി സംസ്ഥാന അധ്യക്ഷന് രാജീവ് ചന്ദ്രശേഖര് മത്സരിക്കുമെന്ന് നേരത്തേ പ്രഖ്യാപിച്ചിരുന്നു. ബി ജെ പിക്ക് വലിയ സ്വാധീനമുളള മണ്ഡലത്തില് ഇത്തവണ മതസരിക്കാന് എതിരാളികള് ഭയപ്പെടുന്ന സാഹചര്യമാണുളളത്.കഴിഞ്ഞ തവണ പ്രത്യേക രാഷ്ട്രീയ സാഹചര്യത്തിലാണ് വി ശിവന്കുട്ടി ജയിച്ചത്. ഇത്തവണ താന് മത്സരത്തിന് ഇല്ല എന്ന് മന്ത്രി വി ശിവന്കുട്ടി പറഞ്ഞത് ശ്രദ്ധേയമായിരുന്നു. എന്നാല് സി പി എം ഇടപെട്ടതിനെ തുടര്ന്ന് അദ്ദേഹത്തിന് അത് തിരുത്തി പറയേണ്ടി വന്നു.ഈ പശ്ചാത്തലത്തിലാണ് പ്രതിപക്ഷ നേതാവ് വി ഡി സതീശനെ നേമത്ത് മത്സരിക്കാന് വെല്ലുവിളിച്ചത്.
