ന്യൂദല്‍ഹി: മുഹമ്മദ് യൂനുസ് ബംഗ്ലാദേശില്‍ ‘നിയമവിരുദ്ധവും അക്രമാസക്തവുമായ’ ഭരണമാണ് നടത്തുന്നതെന്നും രാജ്യത്തെ ഭീകരതയുടെയും നിയമരാഹിത്യത്തിന്റെയും യുഗത്തിലേക്ക് തള്ളിവിടുകയാണെന്നും 2024-ല്‍ ബംഗ്ലാദേശ് വിട്ടതിനുശേഷം ഇന്ത്യയില്‍ ഒരു പൊതുസമ്മേളനത്തില്‍ ആദ്യമായി ഓഡിയോ സന്ദേശത്തിലൂടെ സംസാരിക്കവെ മുന്‍ പ്രധാനമന്ത്രി ഷെയ്ഖ് ഹസീന കുറ്റപ്പെടുത്തി.
‘വിദേശികളെ സേവിക്കുന്ന പാവ ഭരണകൂടത്തെ അട്ടിമറിക്കാന്‍’ തന്റെ അനുയായികളോട് അവര്‍ ആഹ്വാനം ചെയ്തു.
യൂനുസിനെ ‘കൊലയാളിയായ ഫാസിസ്റ്റ്’, ‘അധികാരക്കൊതിയനായ രാജ്യദ്രോഹി’ എന്നിങ്ങനെ ഹസീന വിശേഷിപ്പിച്ചു.
‘സേവ് ഡെമോക്രസി ഇന്‍ ബംഗ്ലാദേശ്’ എന്ന പേരില്‍ നടന്ന പരിപാടിയില്‍ ഹസീനയുടെ അവാമി ലീഗ് സര്‍ക്കാരിലെ നിരവധി മുന്‍ മന്ത്രിമാരും ബംഗ്ലാദേശി പ്രവാസികളും പങ്കെടുത്തു.
