ശ്രീകാര്യം: കോര്പ്പറേഷനിലെ 26 വാര്ഡുകളില് 24ന് വൈകിട്ട് 6 മുതല് 25ന് രാത്രി 10 വരെ പൂര്ണമായും 31 വരെ ഭാഗികമായും കുടിവെള്ളം മുടങ്ങുമെന്ന് വാട്ടര് അതോറിറ്റി അറിയിച്ചു. ശ്രീകാര്യം ജംഗ്ഷനില് മേല്പ്പാല നിര്മ്മാണവുമായി ബന്ധപ്പെട്ട് വാട്ടര് അതോറിറ്റിയുടെ പുതുതായി സ്ഥാപിച്ച പൈപ്പുകള് നിലവിലെ ലൈനുമായി ബന്ധിപ്പിക്കുന്ന പ്രവൃത്തികളും തട്ടിനകം പേരൂര്ക്കട എന്നിവിടങ്ങളില് 900 എംഎം പിഎസ്സി ലൈനില് രൂപപ്പെട്ട ചോര്ച്ച പരിഹരിക്കുന്നതിനായുള്ള അറ്റകുറ്റപ്പണികള് നടക്കുന്നതിനാലുമാണിത്.
കോര്പ്പറേഷനിലെ കഴക്കൂട്ടം, ചന്തവിള, കാട്ടായിക്കോണം, ശ്രീകാര്യം, ചെറുവയ്ക്കല്, ഉള്ളൂര്, ഇടവക്കോട്, ചെല്ലമംഗലം, ചെമ്പഴന്തി, പൗഡിക്കോണം, ഞാണ്ടൂര്കോണം, സൈനിക് സ്കൂള്, ചേങ്കോട്ടുകോണം, കാര്യവട്ടം, പാങ്ങപ്പാറ, പള്ളിത്തുറ, ആറ്റിപ്ര, പൗണ്ടുകടവ്, ആക്കുളം, കുളത്തൂര്, നാലാഞ്ചിറ, കേശവദാസപുരം, പട്ടം, ഉള്ളൂര്, പരുത്തിപ്പാറ, മുട്ടട വാര്ഡുകളിലേക്കുള്ള കുടിവെള്ള വിതരണം മുടങ്ങുന്നത്.
