മലപ്പുറം: ഹിന്ദുസംഘടിക്കുന്ന സമയത്ത് ഭയക്കുന്ന ആരൊക്കെയോ ആണ് .തമിഴ്നാട് പൊലീസിന്റെ നീക്കത്തിന് പിന്നിലെന്ന് സംശയിക്കുന്നതായി മഹാകുംഭമേള സംഘാടകരില് ഒരാളായ ഡോ. ശ്രീനാഥ്.
!തമിഴ്നാട്ടിലെ സര്ക്കാര് ഓഫീസുകളില് മഹാകുംഭമേളയുടെ സംഘാടകര് ഒരുമാസമായി വിവിധ അനുമതികള്ക്കായി കയറിയിറങ്ങുന്നു. അത് നല്കുകയും ചെയ്തു. ഇതിന്റെ അടിസ്ഥാനത്തിലാണ് ഭാരതപ്പുഴയുടെ ഉദ്ഭവസ്ഥാനമായി കരുതുന്ന തമിഴ്നാട്ടിലെ തിരുമൂര്ത്തി മലയില് നിന്നും ജനുവരി 19 തിങ്കളാഴ്ച രാവിലെ രഥയാത്ര ആരംഭിക്കാനിരുന്നത്. രഥയാത്രയ്ക്ക് തമിഴ്നാട്ടില് 30 ഇടങ്ങളില് സ്വീകരണം ഒരുക്കിയിരുന്നു. ഈ സ്വീകരണസ്ഥലങ്ങളില് എല്ലാ ഒരുക്കങ്ങും നടത്തി കാത്തിരുന്നവര് നിരാശരായി. രഥഘോഷയാത്ര ആരംഭിക്കുന്നതിന് തൊട്ടുമുന്പ് തമിഴ്നാട് പൊലീസ് രഥത്തില് നിന്നും മേരു അഴിച്ചുമാറ്റുകയായിരുന്നു.ഈ മഹാമേരു കേരളാ അതിര്ത്തിയായ വാളയാറില് നല്കാമെന്ന് തമിഴ്നാട് പൊലീസ് അറിയിച്ചതോടെ മഹാകുംഭമേള സമാധാനപൂര്വ്വം നടക്കട്ടെ എന്ന വിചാരത്തിന്റെ അടിസ്ഥാനത്തില് അതിന് വഴങ്ങുകയായിരുന്നു.” – ഡോ. ശ്രീനാഥ് പറഞ്ഞു.
പക്ഷെ കേരളത്തിലെ രഥഘോഷയാത്രാപരിപാടികള് നേരത്തെ നിശ്ചയിച്ചതുപോലെ നടക്കും. വാളയാറില് നിന്നും വീണ്ടും ആരംഭിക്കുന്ന രഥഘോഷയാത്ര പാലക്കാട്, തൃശ്ശൂര്, ഷൊര്ണൂര്, ഒറ്റപ്പാലം ഭാഗങ്ങളിലെ സ്വീകരണങ്ങളും ഏറ്റുവാങ്ങി ജനവരി 22ാം തീയതി വൈകീട്ട് തിരുനാവായയില് എത്തിച്ചേരും.
കേരളത്തിലെ മഹാമാഘ ഉത്സവത്തെ കുംഭമേള എന്ന് വിളിക്കാമോ?
വിളിക്കാനാവുമെന്നാണ് ഡോ. ശ്രീനാഥ് പറയുന്നത്. കാരണം ഭാരതപ്പുഴ അറിയപ്പെടുന്നത് ദക്ഷിണകാശി എന്നാണ്. കാരണം കാശി കുംഭമേളയുടെ പ്രധാനഭാഗമാണ്. പണ്ട് ദേവന്മാര് അമൃത് കൊണ്ടുപോകുമ്പോള് അമൃതിന്റെ തുള്ളി വീണ സ്ഥലമാണ് കാശി. തിരുനാവായില് പണ്ട് നടന്ന മഹാമാഘോത്സവം കുംഭമേളയുടെ തുല്ല്യപ്രാധാന്യമുള്ള ഉത്സവമായിരുന്നു. കുംഭമേളയെപ്പോലെ അന്ന് തിരുനാവായിലും സന്യാസസംഗമം ഉണ്ടായിരുന്നു. ജ്ഞാനസഭ ഉണ്ടാവുകയും എല്ലാം ചെയ്തിരുന്നു. അതിനാലാണ് കുംഭമേളയ്ക്ക് തത്തുല്ല്യമായ കേരളത്തിലെ മാഘോത്സവത്തെ കേരളത്തിന്റെ കുംഭമേള എന്ന് വിളിച്ചത്. ഹരിദ്വാരിലേയും കാശിയിലേയും പ്രയാഗ് രാജിലേയും കുംഭമേളയെ അതുപോലെ അനുകരിക്കുകയല്ല ഇവിടെ ചെയ്യുന്നത്. പക്ഷെ പൊതുവായി കുംഭമേളയില് നടക്കുന്ന ചില കാര്യങ്ങള് തിരുനാവായിലും നടക്കും- സ്നാനഘട്ടങ്ങളില് സ്നാനം, യതിപൂജ, സന്യാസിമാരുടെ സാന്നിധ്യം, മുഹൂര്ത്തങ്ങളില് സ്നാനം, ഗുരുപരമ്പരകളുടെ സാന്നിധ്യം എല്ലാം ഇവിടെ നടക്കുന്നതിനാല് കേരളത്തിന്റെ കുംഭമേള എന്ന് ഇതിനെ വിളിക്കുന്നതെന്ന് ഡോ. ശ്രീനാഥ്.
കുംഭമേളയിലേതുപോലെ സന്യാസിമാര് വസ്ത്രമുടുക്കാതെ വരുമോ?
അതെല്ലാം തെറ്റിദ്ധാരണകളാണെന്ന് ഡോ. ശ്രീനാഥ്. നാഗസന്യാസിമാര് അങ്ങിനെയാണ്. അത് അവരുടെ ശീലമാണ്. അവര് എങ്ങിനെയാണോ വരുന്നത് അവരെ അതുപോലെ സ്വീകരിക്കും. ഭാരതത്തിന്റെ പലഭാഗത്ത് നിന്നും സന്യാസിമാര് പുറപ്പെട്ടുകഴിഞ്ഞിട്ടുണ്ടെന്നും ഡോ. ശ്രീനാഥ് പറയുന്നു.
