തിരുവനന്തപുരം:സംസ്കൃത സര്വകലാശാലയില് തിരക്കിട്ട് അധ്യാപക നിയമനങ്ങള് നടത്താനുള്ള തീരുമാനം മരവിപ്പിക്കാന് സര്വകലാശാലയുടെ താല്ക്കാലിക വിസി ഡോ. ഗീതാകുമാരിക്ക് ഗവര്ണര് രാജേന്ദ്ര വിശ്വനാഥ് ആര്ലേക്കറുടെ നിര്ദേശം.
ഈ സര്ക്കാരിന്റെ കാലാവധിയ്ക്കുള്ളില് നിയമനം നടത്താനുള്ള ഇടതുപക്ഷ നീക്കത്തിന് തിരിച്ചടിയാണ് ഗവര്ണറുടെ തീരുമാനം. 2021 ല് വിജ്ഞാപനം ചെയ്ത തസ്തികകളിലാണ് നിയമനശ്രമം നടന്നത്. സംസ്കൃത സര്വകലാശാലയില് അധ്യാപകരുടെ എണ്ണം കൂടുതലാണെന്ന ഓഡിറ്റ് റിപ്പോര്ട്ട് മറച്ച് വച്ചായിരുന്നു നിയമനനീക്കം.
പ്രൊഫസര്മാരുടെയും ഗസ്റ്റ് അധ്യാപകരുടെയും എണ്ണം വിദ്യാര്ത്ഥി-അധ്യാപക അനുപാതത്തേക്കാള് വളരെ കൂടുതലാണെന്ന് അക്കൗണ്ടന്റ് ജനറലിന്റെ ഓഡിറ്റ് റിപ്പോര്ട്ട് പുറത്തുവന്നിരുന്നു.വിദ്യാര്ഥികള് കുറഞ്ഞ സര്വകലാശാലയുടെ പ്രാദേശിക സെന്ററുകള് അടച്ചുപൂട്ടണമെന്നും നിര്ദ്ദേശിച്ചിരുന്നു.
2021ല് വിജ്ഞാപനം ചെയ്ത അധ്യാപക തസ്തികകളില് സ്ഥിരം നിയമനങ്ങള് നടത്താന് വിസിയും സിപിഎം സിന്ഡിക്കേറ്റ് അംഗങ്ങളും നടത്തുന്ന നീക്കം തടയണമെന്ന് ആവശ്യപ്പെട്ട് സിന്ഡിക്കേറ്റിലെ ബിജെപി അംഗങ്ങളും സേവ് യൂണിവേഴ്സിറ്റി ക്യാമ്പയിന് കമ്മിറ്റിയും ഗവര്ണര്ക്ക് നിവേദനം നല്കിയിരുന്നു.
