ന്യൂദല്ഹി: കേന്ദ്ര സര്ക്കാര് പദ്ധതിയായ വിബി-ജി റാംജി ബില്ലിനെക്കുറിച്ച് കോണ്ഗ്രസും ആര്ജെഡിയും തെറ്റിദ്ധരിപ്പിക്കുന്ന വിവരണങ്ങള് പ്രചരിപ്പിക്കുകയാണെന്ന് ലോക് ജന്ശക്തി പാര്ട്ടി മേധാവിയും കേന്ദ്രമന്ത്രിയുമായ ചിരാഗ് പാസ്വാന്.
ബംഗാള് തെരഞ്ഞടുപ്പില് എന്ഡിഎയ്ക്ക് ഇത്തരം പദ്ധതികള് ഗുണം ചെയ്യുമെന്നും അദ്ദേഹം പറഞ്ഞു. കേന്ദ്ര സര്ക്കാരിന്റെ സുപ്രധാനമായ ബില്ലുകളെക്കുറിച്ച് ആര്ജെഡി, കോണ്ഗ്രസ് നേതാക്കള് ജനങ്ങളില് ആശങ്ക പടര്ത്തുന്ന രീതിയിലുള്ള രാഷ്ട്രീയം പ്രചരിപ്പിക്കുകയാണെന്നും അദ്ദേഹം മാധ്യമങ്ങളെ അഭിസംബോധന ചെയ്തുകൊണ്ട് തുടര്ന്നു. മഹാത്മാ ഗാന്ധിയുടെ പാരമ്പര്യം ഉയര്ത്തിക്കാട്ടി പ്രതിപക്ഷം എംജിഎന്ആര്ഇജിഎയുടെ പേരു മാറ്റത്തെ വിമര്ശിക്കുമ്പോള് എന്ഡിഎയ്ക്ക് പുതിയ പദ്ധതിയുടെ പേരിനേക്കാള് അതിന്റെ പ്രവര്ത്തനങ്ങളെയും ഗുണങ്ങളേയും കുറിച്ച് ചര്ച്ച ചെയ്യാന് കഴിയുമെന്നും അദ്ദേഹം പറഞ്ഞു.
‘തെരഞ്ഞെടുപ്പ് പട്ടികകളുടെ പ്രത്യേകവും തീവ്രവുമായ പരിഷ്ക്കരണത്തെ പ്രതിപക്ഷം ആരോപിച്ചപ്പോള് ബീഹാറിലെ ജനങ്ങള് പ്രതിപക്ഷത്തിന്റെ വോട്ട് ചോരിക്ക് ജനാധിപത്യ പ്രക്രിയയിലൂടെ മറുപടി നല്കി, പ്രതിപക്ഷത്തിന്റെ പ്രതിഷേധത്തെ രാഷ്ട്രീയമായി നേരിടും പാസ്വാന് അവകാശപ്പെട്ടു. സംസ്ഥാനങ്ങള്ക്കുമേല് അന്യായമായ സാമ്പത്തിക ബുദ്ധിമുട്ട് സൃഷ്ടിക്കുമെന്ന വാദത്തേയും അദ്ദേഹം നിരസിച്ചു. വിബിജി-റാം ജി ആക്ട് ഭാരതത്തിന്റെ ഫെഡറല് ഘടനയുടെ അടിസ്ഥാനത്തില് കൂട്ടായ ഉത്തരവാദിത്വമാണ് കാണിക്കുന്നത്, എന്നാല് പ്രതിപക്ഷം അത് മനസിലാക്കുന്നില്ല അദ്ദേഹം വാദിച്ചു.
