വിവിധ തസ്തികകളിലേക്ക് പിഎസ്‌സി അപേക്ഷ ക്ഷണിച്ചു

നിയമനം വില്ലേജ് ഫീല്‍ഡ് അസിസ്റ്റന്റ്, പോലീസ് കോണ്‍സ്റ്റബിള്‍, സിവില്‍ എക്‌സൈസ് ഓഫീസര്‍ (ട്രെയിനി), ഫയര്‍ ആന്റ് റെസ്‌ക്യൂ ഓഫീസര്‍ (ട്രെയിനി)/ഡ്രൈവര്‍, അസിസ്റ്റന്റ് എന്‍ജിനീയര്‍ (സിവില്‍, മെക്കാനിക്കല്‍), ഓവര്‍സിയര്‍/ഡ്രാഫ്റ്റ്‌സ്മാന്‍ (മെക്കാനിക്കല്‍), ഡ്രാഫ്റ്റ്‌സ്മാന്‍/ഓവര്‍സിയര്‍ (തേര്‍ഡ് ഗ്രേഡ്), റേഡിയോഗ്രാഫര്‍ മുതലായ തസ്തികകളില്‍

വിശദവിവരങ്ങള്‍ www.keralapsc.gov.in ല്‍

കേരള പബ്ലിക് സര്‍വീസ് കമ്മീഷന്‍ (പിഎസ്‌സി) കാറ്റഗറി നമ്പര്‍ 536 മുതല്‍ 608/2025 വരെയുള്ള വിവിധ തസ്തികകളിലേക്ക് അപേക്ഷ ക്ഷണിച്ചു. തസ്തികകള്‍, വകുപ്പുകള്‍, യോഗ്യതാ മാനദണ്ഡങ്ങള്‍, ശമ്പളം, ഒഴിവുകള്‍, തെരഞ്ഞെടുപ്പ് രീതി, സംവരണം അടക്കം സമഗ്രവിവരങ്ങള്‍ ഡിസംബര്‍ 15 ലെ അസാധാരണ ഗസറ്റിലും www.keralapsc.gov.in/notifications- ലിങ്കിലും ലഭ്യമാണ്. ജനറല്‍ (സംസ്ഥാന/ജില്ലാതലം), സ്‌പെഷ്യല്‍, എന്‍സിഎ വിഭാഗങ്ങളിലാണ് റിക്രൂട്ട്‌മെന്റ്. യോഗ്യതയുള്ള ഉദ്യോഗാര്‍ത്ഥികള്‍ക്ക് നിര്‍ദ്ദേശാനുസരണം ഒറ്റതവണ രജിസ്‌ട്രേഷന്‍ നടത്തി ഓണ്‍ലൈനില്‍ ജനുവരി 14 നകം അപേക്ഷിക്കാം. ജനറല്‍ റിക്രൂട്ട്‌മെന്റ് വിഭാഗത്തില്‍ ചില തസ്തികകളുടെ സംക്ഷിപ്ത വിവരങ്ങള്‍ ചുവടെ-

അസിസ്റ്റന്റ് എന്‍ജിനീയര്‍ (സിവില്‍), ജലസേചന വകുപ്പ്, ശമ്പളം 55,200-115,300 രൂപ. ്രപതീക്ഷിത ഒഴിവുകള്‍. നേരിട്ടുള്ള നിയമനം. യോഗ്യത: അംഗീകൃത സിവില്‍ എന്‍ജിനീയറിങ് ബിരുദം/തത്തുല്യം, പ്രായപരിധി 18-36 വയസ്. (ജലസേചന വകുപ്പിലെ അര്‍ഹതയുള്ള ജീവനക്കാര്‍ക്കും പ്രത്യേകം ഒഴിവുകളിലേക്ക് അപേക്ഷിക്കാം). ഇതേ വകുപ്പില്‍ അസിസ്റ്റന്റ് എന്‍ജിനീയര്‍ (മെക്കാനിക്കല്‍) തസ്തികയിലേക്കും നേരിട്ടുള്ള നിയമനത്തിന് അപേക്ഷിക്കാവുന്നതാണ്. യോഗ്യത: അംഗീകൃത മെക്കാനിക്കല്‍ എന്‍ജിനീയറിങ് ബിരുദം/തത്തുല്യം, പ്രായപരിധി 20-40 വയസ്.

അസിസ്റ്റന്റ് എന്‍ജിനീയര്‍ (മെക്കാനിക്കല്‍), കേരള പോര്‍ട്ട് സര്‍വ്വീസ് (ഹൈഡ്രോഗ്രാഫിക് സര്‍വ്വേവിംഗ്), ഒഴിവ് 1. നേരിട്ടുള്ള നിയമനം. യോഗ്യത: മെക്കാനിക്കല്‍ എന്‍ജിനീയറിങ്/തത്തുല്യം. പ്രായപരിധി 21-40 വയസ്. ശമ്പളം 55,200-115,300 രൂപ.

റേഡിയോഗ്രാഫര്‍ ഗ്രേഡ്-2, ആരോഗ്യവകുപ്പ്, ശമ്പളം 35600-75,400 രൂപ. പ്രതീക്ഷിത ഒഴിവുകള്‍. നേരിട്ടുള്ള നിയമനം. യോഗ്യത: റേഡിയോളജിക്കല്‍ ടെക്‌നോളജിയില്‍ ദ്വിവത്‌സര അംഗീകൃത ഡിപ്ലോമ. പ്രായപരിധി 18-36 വയസ്.

വനിതാ പോലീസ് കോണ്‍സ്റ്റബിള്‍, കേരള പോലീസ്, ശമ്പളം 31,100-66,800 രൂപ. പ്രതീക്ഷിത ഒഴിവുകള്‍. നേരിട്ടുള്ള നിയമനം. യോഗ്യത: ഹയര്‍ സെക്കന്ററി/പ്ലസ്ടു/തത്തുല്യ പരീക്ഷ പാസായിരിക്കണം.പ്രായപരിധി 18-26 വയസ്. ഉയരം കുറഞ്ഞത് 157 സെ.മീറ്റര്‍, നല്ല കാഴ്ചശക്തി വേണം. വൈകല്യങ്ങള്‍ പാടില്ല. തെരഞ്ഞെടുപ്പിന് കായികക്ഷമതാ പരീക്ഷയും ഉണ്ടാവും.

ഫയര്‍ ആന്റ് റെസ്‌ക്യൂ ഓഫീസര്‍ (ട്രെയിനി), ശമ്പളം 27900-63700 രൂപ. പ്രതീക്ഷിത ഒഴിവുകള്‍. നേരിട്ടുള്ള നിയമനം. യോഗ്യത- പ്ലസ്ടു/തത്തുല്യ പരീക്ഷ പാസായിരിക്കണം. കമ്പ്യൂട്ടര്‍ ആപ്ലിക്കേഷന്‍ ഡിപ്ലോമയുള്ളവര്‍ക്ക് മുന്‍ഗണന. പ്രായപരിധി 18-26 വയസ്. നിര്‍ദ്ദിഷ്ട ശാരീരിക യോഗ്യതയും ഉണ്ടായിരിക്കണം.

ഫയര്‍ ആന്റ് റെസ്‌ക്യൂ ഓഫീസര്‍ (ഡ്രൈവര്‍) ട്രെയിനി തസ്തികക്ക് ഇതേ യോഗ്യതകളും ഹെവി പാസഞ്ചര്‍/ഗുഡ്‌സ് വാഹനങ്ങള്‍ ഓടിക്കുന്നതിനുള്ള സാധുവായ ഡ്രൈവിങ് ലൈസന്‍സും ബാഡ്ജും ഉള്ളവര്‍ക്ക് അപേക്ഷിക്കാം.

ഓവര്‍സിയര്‍/ഡ്രാഫ്റ്റ്‌സ്മാന്‍ (മെക്കാനിക്കല്‍)
ഗ്രേഡ്-2/ട്രേസര്‍, ജലസേചനവകുപ്പ്, ശമ്പളം 26500-80700 രൂപ. പ്രതീക്ഷിത ഒഴിവുകള്‍. നേരിട്ടുള്ളനിയമനം. യോഗ്യത: എസ്എസ്എല്‍സി/തത്തുല്യം + രണ്ട് വര്‍ഷത്തെ ഡ്രാഫ്റ്റ്‌സ്മാന്‍ (മെക്കാനിക്കല്‍)ട്രേഡിലുള്ള ഐടിഐ സര്‍ട്ടിഫിക്കറ്റ്/തത്തുല്യം. പ്രായപരിധി 18-36 വയസ്.

പോലീസ് കോണ്‍സ്റ്റബിള്‍ (ട്രെയിനി) (ആംഡ് പോലീസ് ബറ്റാലിയന്‍),
ശമ്പളം 31,100-66800 രൂപ. പ്രതീക്ഷിത ഒഴിവുകള്‍. നേരിട്ടുള്ള നിയമനം. യോഗ്യത: ഹയര്‍ സെക്കന്ററി/പ്ലസ്ടു/തത്തുല്യ പരീക്ഷപാസായിരിക്കണം. പ്രായപരിധി 18-26 വയസ്. നിര്‍ദ്ദിഷ്ട ശാരീരികയോഗ്യതകളുണ്ടായിരിക്കണം.

സിവില്‍ എക്‌സൈസ് ഓഫീസര്‍ (ട്രെയിനി),ശമ്പളം 27900-63700 രൂപ. പ്രതീക്ഷിത ഒഴിവുകള്‍. നിയമനം 14 ജില്ലകളിലേക്കും. നേരിട്ടുള്ള നിയമനം. (ജില്ലാതലം), യോഗ്യത: പ്ലസ്ടു/തത്തുല്യ ബോര്‍ഡ് പരീക്ഷ പാസായിരിക്കണം. നിര്‍ദ്ദിഷ്ട ശാരീരികയോഗ്യതകളുമുണ്ടാകണം. പ്രായപരിധി 19-31 വയസ്. തസ്തികമാറ്റം വഴിയുള്ള നിയമനത്തിനും പ്രത്യേകം അപേക്ഷ ക്ഷണിച്ചിട്ടുണ്ട്.

ഡ്രാഫ്റ്റ്‌സ്മാന്‍/ഓവര്‍സിയര്‍ (തേര്‍ഡ് ഗ്രേഡ്), തദ്ദേശസ്വയംഭരണ വകുപ്പ്. ശമ്പളം 26500-60700 രൂപ. ജില്ലാടിസ്ഥാനത്തിലാണ് തെരഞ്ഞെടുപ്പ്. 14 ജില്ലകൡലും ഒഴിവുകള്‍ ഉണ്ടാകും. (പ്രതീക്ഷിത ഒഴിവുകള്‍). നേരിട്ടുള്ള നിയമനം. യോഗ്യത: എസ്എസ്എല്‍സി/തത്തുല്യപരീക്ഷ പാസായിരിക്കണം + സിവില്‍ എന്‍ജിനീയറിങില്‍ രണ്ടുവര്‍ഷത്തെ കെജിസിഇ സര്‍ട്ടിഫിക്കറ്റ് അല്ലെങ്കില്‍ അംഗീകൃത ഡിപ്ലോമ.പ്രായപരിധി 18-36 വയസ്.

വില്ലേജ് ഫീല്‍ഡ് അസിസ്റ്റന്റ്, റവന്യൂ വകുപ്പ്, ശമ്പളം 23700-52600 രൂപ. പ്രതീക്ഷിത ഒഴിവുകള്‍ (14 ജില്ലകളിലും ഒഴിവുകളുണ്ടാവും). നേരിട്ടുള്ള നിയമനം, യോഗ്യത: എസ്എസ്എല്‍സി/തത്തുല്യ പരീക്ഷ പാസായിരിക്കണം. പ്രായപരിധി 18-36 വയസ്.

വിശദമായ യോഗ്യതാ മാനദണ്ഡങ്ങളും സെലക്ഷന്‍ നടപടികളും അപേക്ഷിക്കേണ്ട രീതിയുമൊക്കെ വിജ്ഞാപനത്തിലുണ്ട്.