കണ്ണൂര്: കേന്ദ്ര പൊതുമേഖലാ സ്ഥാപനമായ ഭാരത് സഞ്ചാര് നിഗം ലിമിറ്റഡി (ബിഎസ്എന്എല്)ന്റെ കേരള സര്ക്കിളില് സിപിഎം തൊഴിലാളി സംഘടനയുടെ തിട്ടൂരം നടപ്പാക്കുന്നതായി പരാതി. സിപിഎം അനുകൂല സംഘടനയുടെയും സിപിഎമ്മിന്റെയും നേതാക്കാള്ക്ക് വഴങ്ങിയാണ് നിര്ണായകമായ പല തീരുമാനങ്ങളും എടുക്കുന്നത്. ചീഫ് ജനറല് മാനേജര് ഓഫീസിലെ, സിപിഎമ്മിലും സംസ്ഥാന സര്ക്കാരിലും സ്വാധീനമുള്ള ക്ലര്ക്കാണ് പബ്ലിക് റിലേഷന്സ് കൈകാര്യം ചെയ്യുന്നത്. ഇദ്ദേഹത്തിന്റെയും കണ്ണൂര് ലോബിയിലെ ചില ഇടതുപക്ഷ ഓഫീസര്മാരുടെയും നിര്ദേശങ്ങള്ക്ക് വഴങ്ങി ജനറല് മാനേജര് (എച്ച്ആര്) ഡെ. മാനേജര് (എച്ച്ആര്) അസി. മാനേജര് (എച്ച്ആര്) എന്നിവര് രാഷ്ട്രീയമായി എതിര് ചേരിയിലുള്ളവരുടെയും ബിഎംഎസ് അംഗങ്ങളുടെയും ട്രാന്സ്ഫറുകള് അകാരണമായി തടഞ്ഞുവെയ്ക്കുകയാണ്. ഇടതുപക്ഷ യൂണിയന്റെ നേതാക്കള് പറയുന്നത് അനുസരിച്ച് മാത്രമാണ് ട്രാന്സ്ഫര്, നിയമനം.
ഓഫീസില് ഒഴിവ് വന്ന സ്ഥലങ്ങളും കെട്ടിടങ്ങളും ഉദ്യോഗസ്ഥരുടെ സ്വന്തക്കാര്ക്കും ഇടതുപക്ഷത്തിന്റെ ഏജന്സികളായ ചിലര്ക്കും വാടക പോലും വാങ്ങിക്കാതെ നല്കിവരികയാണ്. ഇത്തരം കെട്ടിടങ്ങളും സ്ഥലങ്ങളും ഏറ്റവും കൂടുതല് കണ്ണൂര് സിച്ഛിങ്ങ് ഏരിയയിലാണ്. 29 വര്ഷമായിട്ടും കണ്ണൂര് വിട്ടുപോകാത്ത അസി. ജനറല് മാനേജര് (ഡിജിഎം എച്ച്ക്യുഎല്എ) ഇതിന്റെ പിന്നില് നിന്ന് ഇടതുപക്ഷക്കാര്ക്കും സിപിഎം അനുഭാവികള്ക്കും വേണ്ടി വഴിവിട്ട കാര്യങ്ങള് ചെയ്യുകയാണ്. ഗ്രൂപ്പ് എ ഓഫീസറുടെ സര്ക്കിള് കാലാവധി 18 വര്ഷമാണ്. നിയമങ്ങള് കാറ്റില് പറത്തി ഇയാള് കണ്ണൂരില് തുടരുകയാണ്.
ചില എക്സ്ചേഞ്ചുകളില് പ്രൈവറ്റ് കേബിള് ടിവിയുടെ സര്വര്വരെ സ്ഥാപിച്ചിട്ടുണ്ടെന്നും ആരോപണമുണ്ട്. പരാതി നല്കിയിട്ടും ഒരു നടപടിയും സ്വീകരിക്കാന് ഇടത് ഉദ്യോഗസ്ഥര് തയാറാകുന്നില്ല. ബിഎസ്എന്എല് വാടകയ്ക്ക് എടുത്തിട്ടുള്ള ചില എക്സ്ചേഞ്ചുകള് സൗജന്യമായി സിപിഎം നേതാക്കള്ക്ക് തുടര്ച്ചയായി നല്കുകയാണ്. കസ്റ്റമര് സര്വീസ് സെന്റര് ഉള്പ്പെടെ ചില ഇടത് ജീവനക്കാരുടെ സ്വന്തക്കാര്ക്കുവേണ്ടി വഴിവിട്ട രീതിയില് ഉപയോഗിക്കുന്നുമുണ്ട്. പരാതികള് ഉന്നയിക്കുന്നവരെ സ്ഥലം മാറ്റുമെന്നാണ് ഭീഷണി.
