ആലപ്പുഴ: ജില്ലയില് പക്ഷിപ്പനിയെത്തുടര്ന്ന് ഏര്പ്പെടുത്തിയിരുന്ന നിയന്ത്രണങ്ങള് ജില്ലാ ഭരണകൂടം പിന്വലിച്ചു. ഇതോടെ ജില്ലയുടെ വിവിധ ഭാഗങ്ങളില് ഹോട്ടലുകളില് ചിക്കന് വിഭവങ്ങള് വില്ക്കാനുള്ള വിലക്കും കോഴി, താറാവ്, കാട എന്നിവയുടെ മാംസവും മുട്ടയും വില്ക്കാനുള്ള തടസ്സവും നീങ്ങി. പക്ഷിപ്പനി ബാധിച്ച പ്രദേശങ്ങളില് പക്ഷികളെ കൊന്നൊടുക്കുന്ന നടപടികള് പൂര്ത്തിയാക്കിയിരുന്നു. ഈ പ്രദേശങ്ങളില് ശാസ്ത്രീയമായ രീതിയിലുള്ള അണുനശീകരണ പ്രവര്ത്തനങ്ങളും വിജയകരമായി പൂര്ത്തിയാക്കിയതായി മൃഗസംരക്ഷണ വകുപ്പ് അറിയിച്ചു.
