തിരുവനന്തപുരം:തദ്ദേശ തെരഞ്ഞെടുപ്പിലെ തോല്വിയില് ഞെട്ടിയ സര്ക്കാരും എല് ഡി എഫും ഇത് മറികടക്കാന് വമ്പന് പ്രഖ്യാപനങ്ങള് നടത്താന് ഒരുങ്ങുന്നെന്ന് സൂചന. ഇടക്കാല ബജറ്റില് വലിയ പ്രഖ്യാപനങ്ങള് നടത്തുമെന്നാണ് വിവരം.
ഇതിന്റെ ഭാഗമായി ക്ഷേമപെന്ഷന് വര്ധന ഉള്പ്പെടെ കാര്യങ്ങളാണ് ആലോചനയിലുള്ളത്.സ്ഥാനാര്ഥികളെ വേഗം പ്രഖ്യാപിച്ച് തെരഞ്ഞെടുപ്പിന് സജ്ജമാകാനാണ് ഇടതു ക്യാമ്പിലെ തീരുമാനം. രണ്ട് ടേം വ്യവസ്ഥ കര്ശനമാക്കില്ല.
മൂന്നാം ഭരണം ലക്ഷ്യമിട്ട് മുന്നോട്ട് പോകുന്ന എല്ഡിഎഫിന് വലിയ തിരിച്ചടിയാണ് തദ്ദേശ തെരഞ്ഞെടുപ്പിലുണ്ടായത്. ജന പിന്തുണ തിരിച്ച് പിടിക്കാനായി പാര്ട്ടി തലത്തിലും സര്ക്കാര് തലത്തിലും കഠിനപരിശ്രമം നടത്താനാണ് നീക്കം.
