മസ്കറ്റ് : രണ്ട് ദിവസത്തെ ഒമാന് സന്ദര്ശനത്തിനായി എത്തിയ പ്രധാനമന്ത്രി മോദിക്ക് ഒമാന്റെ പരമോന്നത സിവിലിയന് പുരസ്കാരമായ ‘ഓര്ഡര് ഓഫ് ഒമാന്’ മോദിക്ക് സമ്മാനിച്ച് ഒമാന് സുല്ത്താന്. ഒരു സ്വകാര്യ ചടങ്ങില് ആണ് ഒമാന് സുല്ത്താന് ഹൈത്തം ബിന് താരിഖ് ഈ ബഹുമതി സമ്മാനിച്ചത്.
ഇതിന് മുന്പ് എലിസബത്ത് രാജ്ഞി, നെല്സണ് മണ്ഡേല, ജോര്ദ്ദാനിലെ കിംഗ് അബ്ദുള്ള എന്നിവര്ക്ക് നല്കിയ പുരസ്കാരമാണിത്. ഇന്ത്യ-ഒമാന് ഉഭയകക്ഷി ബന്ധം ഊട്ടിവളര്ത്തിയതിനാണ് ഈ അവാര്ഡ് നല്കുന്നത്.
ഇതോടെ മോദിക്ക് ഏറ്റവും ഉയര്ന്ന സിവിലിയന് പുരസ്കാരം സമ്മാനിക്കുന്ന രാജ്യങ്ങളില് ഒമാന് 29ാമത്തെ രാജ്യമായി. ഇതിനോടകം മറ്റ് 28 രാജ്യങ്ങളില് നിന്നുള്ള പരമോന്നത സിവിലിയന് പുരസ്കാരം മോദി നേടിക്കഴിഞ്ഞു. ഫ്രാന്സ്, റഷ്യ, പലസ്തീന്, അഫ്ഗാനിസ്ഥാന്, മാലിദ്വീപ്, യുഎഇ, ഫിജി, ഈജിപ്ത് തുടങ്ങി 28 രാജ്യങ്ങളിലെ പരമോന്നത സിവിലിയന് പുരസ്കാരം നേടുക എന്നത് ഒരു ലോകനേതാവിന് ലഭിക്കുന്ന അപൂര്വ്വ അംഗീകാരമാണ്.
