തിരുവനന്തപുരം: കൈയെത്തും ദൂരത്ത് 2020 ല് നഷ്ടമായത് പിടിച്ചെടുത്ത് എന്ഡിഎയുടെ മിന്നുന്ന പ്രകടനം. 2020ല് എന്ഡിഎയുടെ മുന്നേറ്റം 35 സീറ്റില് ഒതുങ്ങിയപ്പോള് രണ്ടാംസ്ഥാനത്ത് വന്നത് 33 വാര്ഡുകളിലാണ്. അന്ന് സംഭവിച്ച പിഴവ് വീണ്ടും ആവര്ത്തിക്കാതെ എന്ഡിഎ തെരഞ്ഞെടുപ്പ് നടന്ന 100ല് 50 സീറ്റും നേടി കോര്പ്പറേഷനില് ഏറ്റവും വലിയ ഒറ്റകക്ഷിയായി മാറിയിരിക്കുകയാണ് എന്ഡിഎ.
എല്ഡിഎഫ്- 51, എന്ഡിഎ – 35, യുഡിഎഫ് -10, സ്വതന്ത്രര്- 4 എന്നിങ്ങനെയാണ് 2020 ലെ കക്ഷിനില. ഇതില് 33 വാര്ഡുകളില് ബിജെപി രണ്ടാം സ്ഥാനത്തായിരുന്നു. ആറ്റിപ്ര, അമ്പലത്തറ, ആറന്നൂര്, അണമുഖം, ആറ്റുകാല്, ചാക്ക, ചന്തവിള, ഇടവക്കോട്, കാച്ചാണി, കടകംപള്ളി, കളിപ്പാന്കുളം, കമലേശ്വരം, കാട്ടായിക്കോണം, കിണാവൂര്, കവടിയാര്, കുളത്തൂര്, കുറവന്കോണം, മുട്ടട, മുട്ടത്തറ, ഞാണ്ടൂര്ക്കോണം, പാതിരാപ്പള്ളി, പട്ടം, പെരുന്താന്നി, പുഞ്ചക്കരി, പൂങ്കുളം, ശ്രീകാര്യം, ശ്രീവരാഹം, വലിയശാല, വഞ്ചിയൂര്, വട്ടിയൂര്ക്കാവ്, വാഴോട്ടുകോണം, വഴുതക്കാട്, വെങ്ങാനൂര് എന്നിങ്ങനെ 33 ഇടങ്ങളിലാണ് എന്ഡിഎ രണ്ടാംസ്ഥാനത്ത് വന്നത്. അതില് 10 വാര്ഡുകളില് 200ല് താഴെ വോട്ടുകള്ക്കാണ് ബിജെപി പരാജയപ്പെട്ടത്. മൂന്ന് വാര്ഡുകളില് തുച്ഛമായ വോട്ടുകള്ക്കും. കവടിയാറില് പരാജയപ്പെട്ടത് ഒരു വോട്ടിനും. ഞാണ്ടൂര്ക്കോണത്ത് മഹിത മധു എല്ഡിഎഫിലെ ആശബാബുവിനോട് 29 വോട്ടിനാണ് തോറ്റത്. വലിയശാലയില് ബിജെപി സ്ഥാനാര്ത്ഥി രാജന് എല്ഡിഎഫിന്റെ കൃഷ്ണകുമാറിനോട് 57 വോട്ടിനും പരാജയപ്പെട്ടു.
രണ്ടാം സ്ഥാനത്തായിരുന്ന ചന്തവിള, ഞാണ്ടൂര്ക്കോണം, വാഴോട്ടുകോണം, വട്ടിയൂര്ക്കാവ്, ഇടവക്കോട്, വലിയശാല, പൂങ്കുളം, അമ്പലത്തറ, ആറ്റുകാല്, കമലേശ്വരം, ശ്രീവരാഹം, പെരുന്താന്നി, കടകംപള്ളി, ആറ്റിപ്ര എന്നിങ്ങനെ 14 വാര്ഡുകളില് ഇത്തവണ എന്ഡിഎ വിജയിച്ചുകയറി.
കഴിഞ്ഞ തവണ 2020 ലെ തെരഞ്ഞെടുപ്പില് എന്ഡിഎയുടെ മികച്ച മുന്നേറ്റത്തില് എല്ഡിഎഫിന്റെ മേയര് സ്ഥാനാര്ത്ഥിവരെ പരാജയപ്പെട്ടിരുന്നു. 2025 ലെ തെരഞ്ഞെടുപ്പില് മേയര്ക്ക് സ്ഥാനാര്ത്ഥിയാകാന് പോലും സാധിക്കാത്തവിധം തിരുവനന്തപുരത്തെ രാഷ്ട്രീയ കാലാവസ്ഥമാറി.
