തിരുവനന്തപുരം: തദ്ദേശ തെരഞ്ഞെടുപ്പില് തിരിച്ചടി ഏറ്റതിന് പിന്നാലെ സംസ്ഥാനത്ത് പലയിടത്തും സി പി എം പ്രവര്ത്തകര് ബി ജെ പി പ്രവര്ത്തകരെ ആക്രമിച്ചു.കൊല്ലം കടയ്ക്കലില് വിജയിച്ച ബി ജെ പി സ്ഥാനാര്ത്ഥി അനുപമയുടെ വീട് ആക്രമിച്ചു.അനുപമയെ കയ്യേറ്റം ചെയ്തു.വീടിന് വെളിയിലിറങ്ങിയാല് തീര്ത്തുകളയുമൊണ് ഭീഷണി.
തിരുവനന്തപുരം തൃക്കണ്ണാപുരം വാര്ഡില് ബി ജെ പിയുടെ മുഖ്യ തെരഞ്ഞെടുപ്പ് കാര്യാലയം സി പി എം പ്രവര്ത്തകര് അടിച്ചു തകര്ത്തു.മേശയും കസേരയും നശിപ്പിച്ചു. ബാനറുകളും ഫ്ലക്സ് ബോര്ഡുകളും കീറി എറിഞ്ഞു. വാഹനങ്ങളും ആക്രമിച്ചു.
നെയ്യാറ്റിന്കരയില് കൊല്ലയില് പഞ്ചായത്തിലും ബി ജെ പി പ്രവര്ത്തകരെ സി പി എം ആക്രമിച്ചു. അനീഷ്, മണികണ്ഠന് എന്നീ ബി ജെ പി പ്രവര്ത്തകര്ക്ക് പരിക്കേറ്റു.
കോട്ടയം കാഞ്ഞിരപ്പള്ളിയില് യുഡിഎഫ് കൗണ്ടിംഗ് ഏജന്റ് ടി.എസ്. നിസു, എട്ടാം വാര്ഡ് മെമ്പര് സുനില് തേനംമാക്കല്, പത്താം വാര്ഡ് മെമ്പര് സുറുമി ടീച്ചര് എന്നിവരെ സി പി എം പ്രവര്ത്തകര് ആക്രമിച്ചു.
കണ്ണൂര് പാറാട് പാനൂരില് യുഡിഎഫ് പ്രവര്ത്തകന്റെ വീട്ടില് വടിവാളുമായി സിപിഎം ആക്രമണം നടത്തി.മുഖം മൂടി ധരിച്ചെത്തിയ സംഘം വീടുമുറ്റത്ത് നിര്ത്തിയിട്ട കാറും ബൈക്കും വെട്ടിപ്പൊളിച്ചു. പാര്ട്ടി കൊടി കൊണ്ട് മുഖം മൂടിയാണ് അക്രമികള് എത്തിയത്.
വയനാട് ബത്തേരിയില് യു ഡി എഫ് -എല് ഡി എഫ് പ്രവര്ത്തകര് തമ്മില് ഏറ്റുമുട്ടി. വാഹനങ്ങള് തകര്ത്തു. കാസര്കോടും സി പി എം പ്രവര്ത്തകര് ആക്രമണം നടത്തിയെന്ന് റിപ്പോര്ട്ടുണ്ട്.
കോഴിക്കോട് ഏറാമലയിലെ കോണ്ഗ്രസ് ഓഫീസിന് നേരെയും സി പി എം ആക്രമണമുണ്ടായി. തുരുത്തിമൂലയിലും സി പി എം കോണ്ഗ്രസ് ഓഫീസ് ആക്രമിച്ചു.
തൃശ്ശൂര് പുന്നയൂര്ക്കുളം കിഴക്കേ ചെറായിയില് സി പി എം വിജയാഹ്ളാദ പ്രകടനത്തിനിടെ
കളിച്ച് കൊണ്ടിരുന്ന കുട്ടികളെ ആക്രമിച്ചു. എട്ട് കുട്ടികള്ക്ക് പരിക്കേറ്റു.
