ഗുവാഹതി: രാഹുല് ഗാന്ധിയെ അടുത്തറിഞ്ഞ ശേഷം കോണ്ഗ്രസിന് വോട്ട് ചെയ്യാമെന്ന് ആഗ്രഹിച്ചിരുന്ന അനുഭാവികള് പോലും പിന്നെ കോണ്ഗ്രസിന് വോട്ട് ചെയ്യാതായെന്ന് അസമിലെ ബിജെപി മുഖ്യമന്ത്രി ഹിമന്ത ബിശ്വശര്മ്മ. ബിജെപിയില് എത്തുന്നതിന് മുന്പ് അസമിലെ കോണ്ഗ്രസ് നേതാവായിരുന്നു ഹിമന്ത.
രാഹുല്ഗാന്ധിയോടൊപ്പം ചെലവഴിച്ച നാളുകളെപ്പറ്റി ഇന്ത്യാ ടിവി ന്യൂസിന്റെ ലേഖിക അഞ്ജന ഓം കശ്യപിനോട് പങ്കുവെയ്ക്കുകയായിരുന്നു ഹിമന്ത ബിശ്വശര്മ്മ. രാഹുല് ഗാന്ധിയുമായി അടുത്ത് ഇടപഴകിയിട്ടുണ്ടോ എന്നായിരുന്നു അഞ്ജന ഓം കശ്യപ് ചോദിച്ചത്. ഈ ചോദ്യത്തിന് രാഹുല് ഗാന്ധിയെ അറിയാമെന്നും താന് കോണ്ഗ്രസിലായിരുന്ന കാലത്ത് അസം നിയമസഭാ തെരഞ്ഞെടുപ്പിന് രാഹുല് ഗാന്ധി അസമില് വന്ന തന്നോടൊപ്പം താമസിച്ചിട്ടുണ്ടെന്നും ഹിമന്ത ബിശ്വശര്മ്മ പറഞ്ഞു.
“അന്ന് രാഹുല്ഗാന്ധി കോണ്ഗ്രസിന്റെ താരപ്രചാരകനായാണ് അസമില് വന്നത്. പക്ഷെ ഒരു മാസത്തോളം അവിടെ താമസിച്ച് രാഹുല് ഗാന്ധി മടങ്ങിപ്പോയതിനുള്ളില് രാഹുല് ഗാന്ധിയുടെ തനിനിറം കോണ്ഗ്രസ് പ്രവര്ത്തകര് മനസ്സിലാക്കിയിരുന്നു. അതിന് ശേഷം കോണ്ഗ്രസിന് വോട്ട് ചെയ്യണം എന്ന ആഗ്രഹിച്ചിരുന്നവര് പോലും പിന്നീട് കോണ്ഗ്രസിന് വോട്ട് ചെയ്തില്ല”. – ഹിമന്ത ബിശ്വ ശര്മ്മ പറഞ്ഞു.
ബിജെപിയില് എത്തുന്നതിന് മുന്പ് അസമിലെ കോണ്ഗ്രസ് നേതാവായിരുന്ന ഹിമന്ത ബിശ്വശര്മ്മയുടെ കഴിവ് അടുത്തറിഞ്ഞ മോദിയാണ് അയാളെ ബിജെപിയിലേക്ക് കൊണ്ടുവന്നത്.
