തിരുപ്പതിയില്‍ മായം കലര്‍ന്ന നെയ്യ് വിതരണം ചെയ്ത രണ്ട് പ്രതികളെ ചോദ്യം ചെയ്ത് തുടങ്ങി; സമൂഹമാധ്യമങ്ങളില്‍ പവന്‍ കല്യാണ്‍ തരംഗം

അമരാവതി: തിരുപ്പതിക്ഷേത്രത്തില്‍ മായം കലര്‍ത്തിയ നെയ്യ് വിതരണം ചെയ്തതിന്റെ പേരില്‍ പിടികൂടിയ രണ്ടു പേരെ കസ്റ്റഡിയില്‍ ചോദ്യം ചെയ്യല്‍ തുടങ്ങി. സുപ്രീംകോടതി നിയോഗിച്ച പ്രത്യേക അന്വേഷണ സംഘമാണ് ഇവരെ ചോദ്യം ചെയ്യാന്‍ ആരംഭിച്ചത്.

Two TTD officials have been arrested in the Tirumala adulterated ghee case, Medical examinations were conducted at Tirupati Ruia Hospital

Never question the integrity of @PawanKalyan pic.twitter.com/KptVw1G6BR

— Team Power Sena (@TeamPowerSena) December 9, 2025

ഇതോടെ തിരുപ്പതിയില്‍ കള്ളം കാണിക്കുന്നവരെ പിടികൂടി ശിക്ഷിക്കുമെന്ന് ആണയിട്ട ഉപമുഖ്യമന്ത്രി പവന്‍കല്യാണിന് സമൂഹമാധ്യമങ്ങലില്‍ വന്‍വരവേല്‍പാണ്.  തിരുപ്പതി ശുദ്ധീകരിക്കുമെന്നും സനാതനധര്‍മ്മം കാത്തുസൂക്ഷിക്കുമെന്നും പ്രഖ്യാപിതലക്ഷ്യമായി എടുത്തിരിക്കുന്നവ്യക്തിയാണ് പവന്‍ കല്യാണ്‍. പവന്‍ കല്യാണിന്റെ ആത്മാര്‍ത്ഥതയെ ചോദ്യം ചെയ്യാന്‍ കഴിയില്ലെന്ന രീതിയില്‍ നിരവധി കമന്‍റുകളാണ് സോഷ്യല്‍ മീഡിയയില്‍ പ്രത്യക്ഷപ്പെടുന്നത്.

പ്രതികളെ വിശദമായി ചോദ്യം ചെയ്യാന്‍ അന്വേഷണസംഘം ചോദ്യാവലി തയ്യാറാക്കിയിട്ടുണ്ട്. വിതരണക്കാരും ഇടനിലക്കാരും ക്ഷേത്രത്തിനകത്തെ ഉദ്യോഗസ്ഥരും തമ്മിലുള്ള ഗൂഢാലോചന കൃത്യമായി കണ്ടെത്തുകയാണ് ലക്ഷ്യം.

നേരത്തെ സൂപ്രിംകോടതി പ്രതികളെ ചോദ്യം ചെയ്യലിനായി നാല് ദിവസത്തേക്ക് കസ്റ്റഡിയില്‍ വിട്ടുകൊടുത്തിരുന്നു.

ദല്‍ഹിയിലെ വ്യാപാരികളായ അജയ കുമാര്‍ സുഗന്ധ്, ആര്‍എസ്എസ് വി സുബ്രഹ്മണ്യം എന്നിവരെ നേരത്തെ അഴിമതി വിരുദ്ധ ബ്യൂറോ ഉദ്യോഗസ്ഥര്‍ കസ്റ്റഡിയില്‍ എടുത്തിരുന്നു. പിന്നീട് ചോദ്യം ചെയ്യാനായി പ്രത്യേക അന്വേഷണ സംഘത്തിന് കൈമാറിയത്.

തിരുപ്പതിയിലെ വിഖ്യാതമായ ലഡ്ഡു ഉണ്ടാക്കുന്നതിനുള്ള നെയ്യില്‍ മായം കലത്തിയെന്നതാണ് കേസ്. സ്വകാര്യ ഡയറി കമ്പനികളും അജയകുമാര്‍ സുഗന്ധും തമ്മിലുള്ള രഹസ്യധാരണയുടെ അടിസ്ഥാനത്തിലാണ് മായം കലര്‍ന്ന നെയ്യ് തിരുപ്പതിയില്‍ വിതരണം ചെയ്തത്. കൂടുതല്‍ പ്രതികള്‍ ഇതിന് പിന്നിലുണ്ട്. ഇവരെക്കുറിച്ചുള്ള കൂടുതല്‍ വിവരങ്ങള്‍ ചോദ്യം ചെയ്യലില്‍ കണ്ടെത്തും.