മേടക്കൂറ്: അശ്വതി, ഭരണി, കാര്ത്തിക (1/4)
വായ്പകള് എളുപ്പത്തില് കൈവശം വന്നുചേരും. സഹപ്രവര്ത്തകരുമായി രമ്യതയില് വര്ത്തിക്കും. ബിസിനസില് ചില പ്രയാസങ്ങള് അനുഭവപ്പെടും. കൈവശമുള്ള സ്വത്തുക്കളും വീടും നഷ്ടപ്പെടാനിടയുണ്ട്. മറ്റുള്ളവരുടെ വഞ്ചനയില് അകപ്പെടാതെ സൂക്ഷിക്കണം. രക്ഷിതാക്കളുമായി അഭിപ്രായഭിന്നതയുണ്ടാകും.
ഇടവക്കൂറ്: കാര്ത്തിക (3/4), രോഹിണി, മകയിരം (1/2)
പൊതുവെ ആനന്ദവും അഭിവൃദ്ധിയും അനുഭവപ്പെടും. അവനവന്റെ കുടുംബത്തിന്റെ ഉന്നതിക്കുവേണ്ടി ശ്രമിക്കുന്നതാണ്. വീട്ടില് മംഗള കാര്യങ്ങള് നടന്നേക്കും. ആരോഗ്യവിഷയം ശ്രദ്ധിക്കണം. കര്മ്മസ്ഥാനത്ത് പുതിയ മാറ്റങ്ങളുണ്ടാകും. പുതിയ കാര്യങ്ങള്ക്കായി ശ്രമിക്കുമെങ്കിലും അത് സാധിക്കില്ല.
മിഥുനക്കൂറ്: മകയിരം (1/2), തിരുവാതിര, പുണര്തം (3/4)
പുതിയ ആശയങ്ങള് രൂപകൊള്ളും. കലാപരമായ പ്രവര്ത്തനങ്ങളില് വന് നേട്ടമുണ്ടാകുന്നതാണ്. അതിഥി സല്ക്കാരത്തിന് പണവും സമയവും ചെലവഴിക്കും. വ്യാപാരാദികളില് പുരോഗതിയുണ്ടാകും. ഉന്നതരായ വ്യക്തികളില് നിന്ന് സഹായം പ്രതീക്ഷിക്കാം. രാഷ്ട്രീയക്കാര്ക്ക് ഈ സന്ദര്ഭം അനുകൂലമാണ്.
കര്ക്കടകക്കൂറ്: പുണര്തം (1/4), പൂയം, ആയില്യം
വീട്ടില് ചില മംഗള കാര്യങ്ങള് നടക്കാനിടയുണ്ട്. കുടുംബത്തില് ശ്രേയസ്സ് വര്ധിക്കും. പുതിയ സുഹൃദ്വലയങ്ങളുണ്ടാകും. മറ്റുള്ളവരുടെ പ്രശംസയ്ക്ക് പാത്രീഭവിക്കും. നല്ല കാര്യങ്ങള് ചെയ്യുവാനുള്ള പ്രവണത വര്ധിക്കും. മാസാദ്യത്തില് സാമ്പത്തിക ബുദ്ധിമുട്ട് അനുഭവപ്പെടും.
ചിങ്ങക്കൂറ്: മകം, പൂരം, ഉത്രം (1/4)
മുന്പ് ചെയ്തുവെച്ച കാര്യങ്ങളില്നിന്ന് ആദായം ലഭിക്കും. ക്ഷേത്രഭാരവാഹികള്ക്ക് ദൈവകോപം വരാനിടയുണ്ട്. കര്മങ്ങളില് ചില പ്രശ്നങ്ങള് ഉടലെടുക്കും. പ്രേമബന്ധങ്ങള് വിവാഹത്തില് കലാശിക്കാനിടയുണ്ട്. ഭൂമി വില്പ്പനയിലും ഓഹരിയിലും വന് നഷ്ടം വരാനിടയുണ്ട്. വീടുസംബന്ധമായ എല്ലാ കാര്യങ്ങളിലും പുരോഗതിയുണ്ടാകും. വീടുസംബന്ധമായ എല്ലാ കാര്യങ്ങളിലും പുരോഗതിയുണ്ടാകും. ഉദ്യോഗത്തില് പ്രമോഷന് ലഭിക്കും.
കന്നിക്കൂറ്: ഉത്രം (3/4), അത്തം, ചിത്തിര (1/2)
സാമ്പത്തിക പ്രയാസം അനുഭവപ്പെടും. അയല്ക്കാരുമായി സൗഹൃദത്തില് വര്ത്തിക്കും. വാഹനങ്ങളില്നിന്നുള്ള വരുമാനം വര്ധിക്കും. ഒരു തീരുമാനമെടുത്ത് വീണ്ടുമത് മാറ്റിവയ്ക്കേണ്ടി വരും. വിനോദങ്ങള്ക്കായി പണവും സമയവും ചെലവഴിക്കും.
തുലാക്കൂറ്: ചിത്തിര (1/2), ചോതി, വിശാഖം (3/4)
പലവിധ സുഖഭോഗങ്ങളനുഭവിക്കും. ഏജന്സികള്, പരസ്യങ്ങള് തുടങ്ങിയ മുഖേന വരുമാനമുണ്ടാകും. സര്ക്കാരില്നിന്ന് പ്രതീക്ഷിക്കുന്ന ആനുകൂല്യങ്ങളുണ്ടാകും. വാഹനങ്ങള്, ഭൂമി എന്നിവ കൈവശം വന്നുചേരും. ഉന്നതരായ വ്യക്തികളില്നിന്ന് സഹായമുണ്ടാകും.
വൃശ്ചികക്കൂറ്: വിശാഖം (1/4), അനിഴം, തൃക്കേട്ട
കുടുംബജീവിതം ആനന്ദപ്രദമാകും. വാക്കുകള് മാനിക്കപ്പെടും. നല്ല വരുമാനമുണ്ടാകുമെങ്കിലും ചെലവും വര്ധിക്കും. മകന്റെ ജോലിക്കുവേണ്ടി പ്രയത്നിക്കും. മേലധികാരികളില്നിന്ന് സഹകരണമുണ്ടാകും. ദേഹാരിഷ്ടങ്ങള് വന്നുചേരും. സര്ക്കാര് സര്വീസില് പ്രവേശിക്കാനവസരമുണ്ടാകും.
ധനുക്കൂറ്: മൂലം, പൂരാടം, ഉത്രാടം (1/4)
ഭൂമിയിലെ ക്രയവിക്രയത്തിലൂടെ വരുമാനം വര്ധിക്കും. കര്മരംഗം ഗുണകരമാണ്. ഏറ്റെടുത്ത പ്രവൃത്തികള് എല്ലാം തന്നെ വിജയത്തില് കുടുംബത്തില് മൊത്തത്തില് അസുഖം കാരണം മനസ്സ് വ്യാകുലപ്പെടും.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
സര്ക്കാര് ആനുകൂല്യങ്ങള് ലഭിക്കും. മാതൃസ്വത്ത് ലഭിക്കും. വസ്ത്രങ്ങള്, ആഭരണങ്ങള് എന്നിവ കൈവശം വന്നു ചേരും. സര്ക്കാര് ജോലി ലഭിക്കും. ശിരോരോഗ സംബന്ധമായ അസുഖങ്ങള് ഉണ്ടാകും. കുടുംബത്തില് കലഹങ്ങളുണ്ടാകും. മാന്യത നടിച്ചുവെന്ന് ഗൃഹത്തില് മോഷണശ്രമം നടക്കാനിടയുണ്ട്.
കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)
പ്രായം കവിഞ്ഞവര്ക്കും വിധവകള്ക്കും വിവാഹം നടക്കാനവസരമുണ്ടാകും. ശാരീരിക സുഖം കുറയും. വിദേശത്തുള്ള ജോലിക്ക് പ്രയാസമനുഭവപ്പെടും. വാഹനാപകടത്തില് പരിക്കേല്ക്കാനും ആശുപത്രി വാസത്തിനും സാധ്യതയുണ്ട്. കരള് സംബന്ധമായ അസുഖങ്ങള് വര്ധിക്കും.
മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി
ജീവിതരീതിയില് ചില മാറ്റങ്ങള് വരുത്തിയേക്കും. കുടുംബകാര്യങ്ങളില് മറ്റുള്ളവരുടെ ഇടപെടലുകള് ഉണ്ടായെന്നു വരും. ശാസ്ത്രീയ വിഷയങ്ങളില് കൂടുതല് താല്പ്പര്യം പ്രദര്ശിപ്പിക്കും. ദൈവാനുകൂല്യം നിമിത്തം പ്രതിസന്ധിയില്നിന്നും തരണം ചെയ്യാന് കഴിയുന്നതാണ്.
