കാറ്റഗറി നമ്പര് 439-535/2025 വരെ തസ്തികകള്ക്ക് അപേക്ഷിക്കാം
പോലീസ് സബ് ഇന്സ്പെക്ടര് ട്രെയിനി, അസിസ്റ്റന്റ് ജയിലര്, സര്വ്വകലാശാലകളില് അസിസ്റ്റന്റ്, ഇലക്ട്രീഷ്യന്, അസിസ്റ്റന്റ് പ്രൊഫസര് -നാച്വറല് സയന്സ്) മുതലായ തസ്തികകളില് നിയമനം
ഒറ്റതവണ രജിസ്ട്രേഷന്, ഓണ്ലൈന് അപേക്ഷ ഡിസംബര് 31 നകം
കേരള പബ്ലിക് സര്വീസ് കമ്മീഷന് (പിഎസ്സി) കാറ്റഗറി നമ്പര് 439 മുതല് 535/2025 വരെ തസ്തികകളിലേക്ക് നിയമനത്തിനായി അപേക്ഷ ക്ഷണിച്ചു. ജനറല്, സ്പെഷ്യല്, എന്സിഎ വിഭാഗങ്ങളില്പ്പെടുന്ന തസ്തികകളും ഇതില്പ്പെടും. തസ്തികകള്, വകുപ്പുകള്, യോഗ്യതാ മാനദണ്ഡങ്ങള്, അപേക്ഷിക്കേണ്ട രീതി, സെലക്ഷന് നടപടികള് അടക്കമുള്ള റിക്രൂട്ട്മെന്റ് വിജ്ഞാപനം www.keralapsc.gov.in/notifications- ല് ലഭിക്കും. നവംബര് 28 ലെ അസാധാരണ ഗസറ്റിലും വിവരങ്ങള് ലഭ്യമാണ്.
ജനറല് റിക്രൂട്ട്മെന്റ് വിഭാഗത്തില്പ്പെടുന്ന ചില തസ്തികകളുടെ വിവരങ്ങള് ചുവടെ-
ആംഡ് പോലീസ് സബ് ഇന്സ്പെക്ടര് (ട്രെയിനി) (ആംഡ് പോലീസ് ബറ്റാലിയന്),പ്രതീക്ഷിത ഒഴിവുകള്, ശമ്പള നിരക്ക് 45600-95600 രൂപ. ഓപ്പണ് മാര്ക്കറ്റ്, കോണ്സ്റ്റാബുലറി വിഭാഗങ്ങളിലാണ് നിയമനം. യോഗ്യത: ബിരുദം. ശാരീരിക യോഗ്യതകള്- ഉയരം 167 സെ.മീറ്റര്, നെഞ്ചളവ് 81 സെ.മീറ്റര്, വികാസം 5 സെ.മീറ്റര്, നല്ല കാഴ്ചശക്തിയുണ്ടാകണം.വൈകല്യങ്ങള് പാടില്ല. മെഡിക്കല്, ഫിസിക്കല് ഫിറ്റ്നസുണ്ടായിരിക്കണം. പ്രായപരിധി- ഓപ്പണ് മാര്ക്കറ്റ് 20-31 വയസ്. കോണ്സ്റ്റാബുലറി 20-36 (പോലീസ് കോണ്സ്റ്റബിള്മാര്ക്കും മറ്റും അവസരം).
സബ് ഇന്സ്പെക്ടര് ഓഫ് പോലീസ് (ട്രെയിനി), പ്രതീക്ഷിത ഒഴിവുകള്, ശമ്പള നിരക്ക് 45600-95600 രൂപ. ഓപ്പണ് മാര്ക്കറ്റ്, കോണ്സ്റ്റാബുലറി, മിനിസ്റ്റീരിയല് എന്നീ മൂന്ന് വിഭാഗങ്ങളിലാണ് നിയമനം. യോഗ്യത: ബിരുദം, ശാരീരിക യോഗ്യതകള്- പുരുഷന്മാര്ക്ക് ഉയരം 165.10 സെ.മീറ്റര് (എസ്സി/എസ്ടി വിഭാഗത്തിന് 160.2 സെ.മീറ്റര് മതി), നെഞ്ചളവ് 81.28 സെ.മീറ്റര്. വികാസം 5.08 സെ.മീറ്റര്. വനിതകള്ക്ക് ഉയരം 160 സെ.മീറ്റര് (എസ്സി/എസ്ടി വിഭാഗത്തിന് 155 സെ.മീറ്റര്), നല്ല കാഴ്ചശക്തിയുണ്ടാകണം. മെഡിക്കല്, ഫിസിക്കല് ഫിറ്റ്നസുണ്ടായിരിക്കണം. വൈകല്യങ്ങള് പാടില്ല. പ്രായപരിധി ഓപ്പണ് വിഭാഗത്തിന് 20-31 വയസ്. മറ്റ് വിഭാഗങ്ങള്ക്ക് 36 വയസ്.
അസിസ്റ്റന്റ് ജയിലര് ഗ്രേഡ് 1/സൂപ്രണ്ട്, പ്രതീക്ഷിത ഒഴിവുകള്, ശമ്പള നിരക്ക് 43400-91200 രൂപ. നേരിട്ടുള്ള നിയമനം, യോഗ്യത: ബിരുദം, വിജ്ഞാപനത്തില് നിഷ്കര്ഷിക്കുന്ന ശാരീരിക യോഗ്യതകള് ഉണ്ടാകണം. പ്രായപരിധി 18-36 വയസ്.
കേരളത്തിലെ സര്വ്വകലാശാലകളില് അസിസ്റ്റന്റ്, പ്രതീക്ഷിത ഒഴിവുകള്, ശമ്പള നിരക്ക് 39300-83000 രൂപ. നേരിട്ടുള്ള നിയമനം, യോഗ്യത: ബിരുദം, പ്രായപരിധി 18-36 വയസ്.
മറ്റ് തസ്തികകളും യോഗ്യതാ മാനദണ്ഡങ്ങളും വെബ്സൈറ്റിലുണ്ട്. യോഗ്യരായ ഉദേ്യാഗാര്ത്ഥികള്ക്ക് നിര്ദ്ദേശാനുസരണം ഓണ്ലൈനില് ഒറ്റതവണ രജിസ്ട്രേഷന് നടത്തി ഡിസംബര് 31 നകം അപേക്ഷിക്കാവുന്നതാണ്.
