ന്യൂദല്ഹി: വിവാഹിതരായ ഓസ്ട്രേലിയന് പ്രധാനമന്ത്രി ആന്റണി അല്ബനീസിനും ജോഡി ഹെയ്ഡണും പ്രധാനമന്ത്രി നരേന്ദ്ര മോദി ആശംസകള് നേര്ന്നു. ‘എന്റെ ഉറ്റ സുഹൃത്ത് പ്രധാനമന്ത്രി ആന്റണി അല്ബനീസിനും ജോഡി ഹെയ്ഡണിനും വിവാഹാശംസകള്. അവര്ക്ക് സന്തോഷകരമായ ദാമ്പത്യ ജീവിതം ആശംസിക്കുന്നു’ എന്ന് ഇരുവരുടേയും വിവാഹ വീഡിയോയ്ക്കൊപ്പം പ്രധാനമന്ത്രി മോദി എക്സില് പോസ്റ്റ് ചെയ്തു.
കാന്ബറയിലെ പ്രധാനമന്ത്രിയുടെ ഔദ്യോഗിക വസതിയില് നടന്ന ഒരു ചെറിയ ചടങ്ങിലാണ് അല്ബനീസ് തന്റെ പങ്കാളിയായ ജോഡി ഹെയ്ഡനെ വിവാഹം കഴിച്ചത്. അധികാരത്തിലിരിക്കെ വിവാഹിതനായ ആദ്യത്തെ ഓസ്ട്രേലിയന് പ്രധാനമന്ത്രിയായി അദ്ദേഹം മാറി.
ജോഹന്നാസ്ബര്ഗില് പ്രധാനമന്ത്രി മോദിയുമായി അടുത്തിടെ നടത്തിയ ഉഭയകക്ഷി കൂടിക്കാഴ്ചയില്, ഇന്ത്യയും ഓസ്ട്രേലിയയും തമ്മിലുള്ള ബന്ധത്തെ ‘വളരെ ശക്തമായ ഒന്ന്’ എന്ന് അല്ബനീസ് പ്രശംസിച്ചിരുന്നു .
