തിരുവനന്തപുരം: തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പില് 23,562 വാര്ഡുകളിലായി 72,005 സ്ഥാനാര്ത്ഥികള് മത്സര രംഗത്ത്. വാര്ഡുകള് കൂടിയിട്ടും കഴിഞ്ഞ വര്ഷത്തെക്കാള് സ്ഥാനാര്ത്ഥികളുടെ എണ്ണത്തില് കുറവുണ്ട്. കഴിഞ്ഞ വര്ഷം 21,865 വാര്ഡുകളിലായി 75,013 പേര് മത്സരിക്കാനുണ്ടായിരുന്നു. സ്വതന്ത്രര് കുറഞ്ഞതാണ് സ്ഥാനാര്ത്ഥികള് കുറയാന് കാരണമെന്നു കണക്കുകള് വ്യക്തമാക്കുന്നു.
34,218 പുരുഷന്മാരും 37,786 സ്ത്രീകളും ഒരു ട്രാന്സ്ജന്ഡറുമാണ് മത്സരത്തിലുള്ളത്. തിരുവനന്തപുരത്താണ് ട്രാന്സ്ജന്ഡര് സ്ഥാനാര്ത്ഥി. കണ്ണൂരിലെ 14 വാര്ഡുകളില് എല്ഡിഎഫ് സ്ഥാനാര്ത്ഥികള്ക്ക് എതിരില്ലാത്തതിനാല് അവിടെ മത്സരമില്ല.
ബാലറ്റുപേപ്പറുകള് അച്ചടിച്ചു തുടങ്ങി. പ്രചാരണത്തിനു രണ്ടാഴ്ച മാത്രം ബാക്കി. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളില് ഡിസംബര് ഒന്പതിനും തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് 11നുമാണ് വോട്ടെടുപ്പ്. 13നു വോട്ടെണ്ണും.
