ചെന്നൈ: തമിഴ്‌നാട്ടിൽ ഇന്നും ശക്തമായ മഴ തുടരുമെന്ന് കാലാവസ്ഥ വകുപ്പ് മുന്നറിയിപ്പ്. നിലവിൽ 12 ജില്ലകളിൽ മഞ്ഞ അലർട്ട് ആണ്. മൽസ്യത്തൊഴിലാളികൾ കടലിൽ പോകുന്നത് വിലക്കിയിട്ടുണ്ട്. കഴിഞ്ഞ ദിവസങ്ങളിലെ ശക്തമായ മഴയിൽ വിവിധ ഇടങ്ങളിലായി വ്യാപക കൃഷി നാശമാണ് റിപ്പോർട്ട് ചെയ്തിരുന്നത് ഡെൽറ്റ ജില്ലകളിലും തെക്കൻ തമിഴ്നാട്ടിലും ആണ് വ്യാപകമായി കൃഷിനാശം റിപ്പോർട്ട് ചെയ്തിരിക്കുന്നത്.
നിരവധി വീടുകളിൽ വെള്ളം കയറിയതോടെ ആളുകൾ വൻ ദുരിതത്തിലായി. മഴക്കെടുതിയിൽ ഇതുവരെ നാല് പേരാണ് മരിച്ചത്.അതേസമയം, കേരളത്തിലും മഴ മുന്നറിയിപ്പുണ്ട്. ശക്തമായ മഴയെത്തുടർന്ന് മഴയിൽ മുല്ലപ്പെരിയാർ അണക്കെട്ടിലെ ജലനിരപ്പ് ഉയരുന്നു. തിങ്കളാഴ്‌ച്ച വൈകീട്ട് നാലിന് ജലനിരപ്പ് 139.30 അടിയായി ഉയർന്നു. അണക്കെട്ടിലേക്ക് സെക്കന്റിൽ 5135 ഘന അടി ജലമാണ് ഒഴുകി എത്തുന്നത്. തമിഴ്നാട്ടിലും മഴ തുടരുന്നതിനാൽ സെക്കന്റിൽ 400 ഘന അടി ജലം മത്രമാണ് തുറന്ന് വിടുന്നത്.
